Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yakobo 3:1-18

3  Bandeko na ngai, na kati na bino, bato nyonso báluka kozala bateyi+ te, mpo boyebi ete tokosambisama makasi koleka.+  Mpo biso nyonso tobɛtaka mabaku mbala mingi.+ Soki moto abɛtaka libaku na maloba te,+ ye azali moto ya kokoka,+ oyo akoki kopekisa mpe nzoto na ye mobimba.  Soki totye bibende ya mbanga+ na minɔkɔ ya mpunda mpo etosa biso,+ tozali kotambwisa mpe nzoto na yango mobimba.  Talá! Atako masuwa ezalaka minene mingi mpe mipɛpɛ ya makasi ememaka yango, batambwisaka yango na yenda+ moko ya moke mpenza mpo ekendaka epai nyonso moto oyo asimbi yenda alingi.  Ndenge moko mpe, lolemo ezali enama moko ya moke nzokande emikumisaka na makambo minene.+ Talá! Mwa mɔtɔ moke ekoki kotumba zamba ya monene mpenza!  Ɛɛ, lolemo ezali mɔtɔ.+ Na binama ya nzoto na biso, lolemo ezali mokili oyo etondi na makambo ya kozanga boyengebene, mpo etyaka matɔnɔ na nzoto mobimba,+ ebebisaka bomoi mobimba* mpe ezikisaka yango lokola Gehena.  Mpo bato bakoki kosala ete mitindo nyonso ya banyama ya zamba mpe ya bandɛkɛ mpe ya biloko oyo ebendanaka na libumu mpe ya bikelamu oyo efandaka na mbu etosa bango mpe etosaka bango.+  Kasi moto moko te akoki kosala ete lolemo etosa ye. Ezali eloko mabe oyo moto akoki kopekisa te, etondi na ngɛngɛ oyo ebomaka.+  Topambolaka na yango Yehova,+ ɛɛ Tata,+ nzokande na yango mpe tolakelaka bato mabe,+ bato oyo basalemá “na elilingi ya Nzambe.”+ 10  Kaka na monɔkɔ wana moko lipamboli mpe elakeli mabe ezali kobima. Bandeko na ngai, ebongi te ete makambo wana ekoba kosalema bongo.+ 11  Liziba+ ebimisaka nde mai ya malamu ná oyo ya bololo esika moko? 12  Bandeko na ngai, nzete ya figi ekoki nde kobota mbuma ya olive to nzete ya vinyo mbuma ya figi?+ Mai ya mungwa mpe ekoki kobimisa mai ya malamu te. 13  Nani azali moto ya bwanya mpe ya mayele na kati na bino? Alakisa misala na ye+ na etamboli na ye ya malamu na boboto oyo ezali komonisa bwanya. 14  Kasi soki bozali na zuwa+ makasi mpe kowelana+ na mitema na bino, bómikumisaka te+ mpe bókoselaka solo makambo te.+ 15  Wana ezali bwanya oyo euti na likoló te,+ kasi ezali nde ya nse,+ ya bonyama, ya bademo.+ 16  Mpo epai zuwa+ mpe kowelana ezali, mobulu ná makambo nyonso ya mabe mpe ezali wana.+ 17  Kasi bwanya+ oyo euti na likoló ezalaka libosoliboso pɛto,+ mpe kimya,+ na makambo makasimakasi te,+ esepelaka kotosa, etondi na motema mawa mpe na mbuma ya malamu,+ eponaka bilongi te,+ ezalaka na bokosi te.+ 18  Lisusu, bato oyo batyaka kimya+ balonaka mbuma+ ya boyengebene+ na kimya+ mpe babukaka yango.

Maloba na nse

Lil., “yiká ya kobotama.”