Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Tito 3:1-15

3  Kobá kokundwela bango ete bámikitisa+ mpe bátosa baguvɛrnema mpe bakonzi mpo bazali bayangeli,+ bámibongisa mpo na mosala nyonso ya malamu,+  bálobela moto mabe te, bázala te bato balingá bitumba,+ bázala bato ya makambo makasimakasi te,+ bámonisela bato nyonso boboto mpenza.+  Mpo biso mpe tozalaki liboso bazoba, bato bazangá botosi, tokosamaki, tozalaki baombo ya bamposa ndenge na ndenge mpe ya bisengo, tofandaki na mabe mpe likunya, tozalaki bato ya koyinama mpenza, tozalaki koyinana.+  Nzokande, ntango boboto+ mpe bolingo oyo euti na Mobikisi na biso,+ Nzambe, mpo na moto emonanaki polele,+  ezalaki te mpo na misala+ ya boyengebene oyo biso tosalaki,+ kasi mpo na motema mawa+ na ye abikisaki biso na ndenge asukolaki+ biso mpe amemaki biso na bomoi+ mpe akómisi biso bato ya sika na lisalisi ya elimo santu.+  Asopelaki biso elimo yango mingi na nzela ya Yesu Kristo Mobikisi na biso,+  mpo, nsima ya kotángama bayengebene+ mpo na boboto monene ya moto wana,+ tókóma bazwi-ya-libula+ na boyokani na elikya moko ya bomoi ya seko.+  Liloba yango ezali sembo,+ mpe na makambo yango nalingi ete omonisaka yango ntango nyonso na mpiko ete ezali solo mpenza, mpo bato oyo bandimi Nzambe bátyaka makanisi na bango na kosala misala ya malamu.+ Makambo yango ezali malamu mingi mpe na litomba mpo na bato.  Kasi boyá ntembe ya bozoba,+ kolukaluka milɔngɔ ya bankɔkɔ,+ koswana,+ kowelana mpo na Mibeko,+ mpo makambo wana ezali na litomba te mpe ezali mpamba. 10  Moto oyo abimisi mwa lingomba,+ kebisá+ ye mbala ya liboso mpe ya mibale, na nsima, boyá+ ye; 11  yebá ete moto ya ndenge wana abungi nzela mpe azali kosala lisumu, amikweisi na likambo ye moko.+ 12  Ntango nakotindela yo Artemasi to Tishike,+ salá nyonso ekoki mpo oya epai na ngai na Nikopolise, mpo nakani kolekisa eleko ya mpiɔ makasi kuna.+ 13  Pesá Zenasi, oyo ayebi Mibeko malamumalamu, ná Apolosi nyonso oyo ekoki na mobembo na bango, mpo bázanga eloko te.+ 14  Kasi bato na biso mpe báyekola kosala misala ya malamu mpo na kokokisa bamposa na bango ya ntina mingi,+ mpo bázanga te kobota mbuma.+ 15  Bato nyonso oyo bazali elongo na ngai batindeli yo mbote.+ Pesá mbote na bato oyo balingaka biso mingi na kati ya kondima. Boboto monene ezala na bino nyonso.+

Maloba na nse