Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ruta 4:1-22

4  Bongo Boaze amataki epai porte+ ezalaki mpe afandaki wana. Mpe talá! mosikoli yango azalaki koleka, oyo Boaze alobelaki.+ Bongo alobaki ete: “Yo Songolo, yaká, fandá awa.” Bongo ayaki mpe afandaki.  Nsima na yango, akamataki mibali zomi na kati ya mikóló+ ya engumba mpe alobaki ete: “Bófanda awa.” Bongo bafandaki.  Sikoyo alobaki na mosikoli yango ete:+ “Eteni ya elanga oyo ezalaki ya ndeko na biso Elimeleke,+ Naomi oyo azongi, auti na mokili ya Moabe,+ asengeli kotɛka yango.  Nzokande ngai nakanisaki ete nasengeli koyebisa yo yango: ‘Sombá yango+ na miso ya bato oyo bafandi na mboka mpe mikóló ya bato na ngai.+ Soki olingi kosikola yango, sikolá yango; kasi soki olingi kosikola yango te, yebisá ngai nayeba, mpo moto mosusu azali te kaka yo mpo na kosikola,+ mpe ngai moto nalandi yo.’” Bongo alobaki ete: “Ngai moto nakosikola yango.”+  Bongo Boaze alobaki ete: “Na mokolo oyo okosomba elanga na mabɔkɔ ya Naomi, okosomba yango mpe epai ya Ruta Momoabe, mwasi ya mowei, mpo na kotɛlɛmisa nkombo ya mowei na libula na ye.”+  Na bongo, mosikoli yango alobaki ete: “Nakoki te kosikola yango mpo na ngai, noki nabebisa libula na ngai moko. Yo sikolá yango mpo na yo na lotomo na ngai ya kosikola, mpamba te ngai nakoki kosikola yango te.”  Na ntango ya kala na Yisraele, momeseno ezalaki boye mpo na lotomo ya kosikola mpe mpo na kopesa eloko boye na esika ya eloko mosusu, mpo na kondimisa likambo ya ndenge nyonso: Mobali asengelaki kolongola sandale+ na ye mpe kopesa yango na moninga na ye, mpe ezalaki litatoli na Yisraele.  Bongo ntango mosikoli alobaki na Boaze ete: “Sombá yango mpo na yo,” alongolaki sandale+ na ye.  Na yango, Boaze alobaki na mikóló mpe na bato nyonso ete: “Bino bozali batatoli+ lelo ete nasombi mpenza na mabɔkɔ ya Naomi biloko nyonso oyo ezalaki ya Elimeleke mpe biloko nyonso oyo ezalaki ya Kilione ná Mahalone. 10  Mpe nazali lisusu kosomba Ruta Momoabe, mwasi ya Mahalone, azala mwasi na ngai mpo na kotɛlɛmisa nkombo ya mowei+ na libula na ye mpe nkombo ya mowei elongwa te na kati ya bandeko na ye mpe na porte ya esika na ye.* Bino bozali batatoli+ lelo.” 11  Na yango, bato nyonso oyo bazalaki na porte mpe mikóló balobaki ete: “Tozali batatoli! Tiká Yehova apesa nzela na mwasi oyo azali kokɔta na ndako na yo azala lokola Rashele+ mpe lokola Lea,+ bango nyonso mibale batongaki ndako ya Yisraele;+ mpe yo monisá ete ozali mobali mpenza na Efrata+ mpe omisalela nkombo ya lokumu na Beteleme.+ 12  Mpe mpo na bana oyo Yehova akopesa yo na elenge mwasi oyo,+ tiká ndako na yo ekóma lokola ndako ya Pereze, oyo Tamara abotelaki Yuda.”+ 13  Na yango, Boaze akamataki Ruta mpe akómaki mwasi na ye mpe asangisaki na ye nzoto. Bongo Yehova apesaki ye likoki ya kozwa zemi+ mpe abotaki mwana mobali. 14  Mpe basi babandaki koloba+ na Naomi ete: “Yehova apambolama,+ ye oyo atiki te ete mosikoli azanga epai na yo lelo; mpo ete nkombo na ye esakolama na Yisraele. 15  Mpe akómi moto oyo akopesa molimo na yo makasi mpe moto oyo akosunga yo na ntango ya bobange na yo,+ mpamba te mwasi ya mwana na yo, oyo alingaka yo solo,+ oyo azali mpenza malamu mpo na yo koleka bana mibali nsambo, aboti mwana yango.”+ 16  Mpe Naomi akamataki mwana yango mpe atyaki ye na ntolo na ye, mpe akómaki mobateli na ye. 17  Bongo basi oyo bazalaki kofanda penepene+ na bango bapesaki ye nkombo: “Naomi aboti mwana mobali.” Mpe babandaki kobenga ye na nkombo Obede.+ Ye nde tata ya Yese,+ tata ya Davidi. 18  Sikoyo talá mabota ya Pereze:+ Pereze abotaki Hezerone;+ 19  Hezerone abotaki Rama; Rama+ abotaki Aminadabe; 20  Aminadabe+ abotaki Nahashone;+ Nahashone abotaki Salemone; 21  Salemone+ abotaki Boaze; Boaze+ abotaki Obede; 22  Obede abotaki Yese;+ Yese abotaki Davidi.+

Maloba na nse

To, “na porte ya engumba na ye.”