Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 94:1-23

94  Ee Yehova, Nzambe oyo azongiselaka bato mabe mabe na bango,+ Ee Nzambe oyo azongiselaka bato mabe mabe na bango, ngɛngá!+   Ee Mosambisi ya mabele, tɛlɛmá.+ Pesá bato ya lolendo etumbu.+   Ee Yehova, tii ntango nini bato mabe,+ Tii ntango nini bato mabe bakosepela mingi?+   Bazali se kosopa maloba, bazali se kolobaloba;+ Baoyo nyonso basalaka makambo oyo eyokisaka mpasi bazali se komikumisa.+   Ee Yehova, bazali se konyatanyata bato na yo,+ Mpe bazali se komonisa libula na yo mpasi.+   Bazali koboma mwasi oyo mobali akufá mpe moto oyo afandi mopaya,+ Mpe bazali koboma bana oyo batata bakufá.+   Mpe bazali se koloba: “Yah azali komona te;+ Mpe Nzambe ya Yakobo azali koyeba yango te.”+   Bókanga ntina, bino bato oyo bozangi mayele;+ Mpe bino bazoba, ntango nini bokozwa mayele ya kososola?+   Moto oyo asalá litoi, akoki nde koyoka te?+ To Moto oyo asalá liso, akoki nde komona te?+ 10  Moto oyo asembolaka bikólo, akoki nde kopamela te,+ Ɛɛ, Moto oyo ateyaka bato boyebi?+ 11  Yehova azali koyeba ete makanisi ya bato ezali lokola mwa mopɛpɛ.+ 12  Ee Yah, esengo na mobali makasi oyo yo ozali kosembola,+ Mpe oyo yo ozali koteya na mobeko na yo,+ 13  Mpo na kopesa ye kimya na mikolo ya mpasi,+ Kino libulu ekotimolama mpo na moto mabe.+ 14  Mpo Yehova akosundola bato na ye te,+ Akotika mpe libula na ye te.+ 15  Mpo ekateli ya lisambisi ekozonga lisusu na boyengebene mpenza,+ Mpe bato nyonso ya motema sembo bakolanda yango. 16  Nani akokɔtela ngai mpo na kobunda na basali-mabe?+ Nani akokɔtela ngai mpo na kobunda na baoyo basalaka makambo oyo eyokisaka mpasi?+ 17  Soki Yehova asungaka ngai te,+ Nsima ya mwa ntango moke, mbɛlɛ molimo na ngai efandi na esika ya nyɛɛ.+ 18  Ntango nalobaki ete: “Lokolo na ngai ekotengatenga mpenza,”+ Ee Yehova, motema boboto na yo ezalaki se kosimba ngai.+ 19  Ntango makanisi oyo etungisaka ngai ekómaki mingi na kati na ngai,+ Mabɔndisi na yo ebandaki kokitisa molimo na ngai motema.+ 20  Kiti ya bokonzi oyo ezali kobimisa mikakatano ekoyokana nde na yo+ Wana yango ezali kokana kobimisa mpasi na nzela ya mobeko?+ 21  Bazali kobunda makasi na molimo ya moyengebene+ Mpe bazali kotánga moto oyo azali na likambo te ete azali mabe mpo básopa makila na ye.+ 22  Kasi Yehova akokóma esika na ngai ya kobombana oyo etombwaná,+ Mpe Nzambe na ngai akokóma libanga ya ekimelo na ngai.+ 23  Mpe akozongisela bango makambo na bango oyo eyokisaka mpasi+ Mpe akokangisa bango monɔkɔ na mpasi na bango moko.+ Yehova Nzambe na biso akokangisa bango monɔkɔ.+

Maloba na nse