Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 84:1-12

Mpo na mokambi ya nzembo na Gitite.+ Ya bana ya Kora. Mondule. 84  Tabernakle na yo monene+ ezali kitoko mpenza,Ee Yehova ya mampinga!+   Molimo na ngai ezali na mposa ya mapango ya Yehova mpe lisusu eyoki mposa na yango makasi.+Motema na ngai mpe mosuni na ngai ezali koganga na esengo mpo na Nzambe ya bomoi.+   Ata ndɛkɛ ezwi ndako,Mpe nyampeke zumbu na yango,Epai etye bana na yango—Etumbelo na yo monene, Ee Yehova ya mampinga, Mokonzi na ngai mpe Nzambe na ngai!   Esengo na baoyo bazali kofanda na ndako na yo!+Bazali kokoba kosanzola yo.+ Sela.   Esengo na bato oyo makasi na bango ezali kouta na yo,+Baoyo babalabala minene ezali na motema na bango.+   Wana bazali koleka na lobwaku ya patatalu ya mwa banzete ya baka,+Bazali kokómisa yango liziba;Ɛɛ, molakisi+ azali komizinga mapamboli.   Bakotambola na nguya ya bomoi+ oyo ezali kobakisama se kobakisama;Mokomoko azali kobima liboso ya Nzambe na Siona.+   Ee Yehova Nzambe ya mampinga, yoká libondeli na ngai;+Ee Nzambe ya Yakobo, tyá litoi.+ Sela.   Ee nguba na biso, moná, Ee Nzambe,+Mpe talá elongi ya moto na yo oyo atyami mafuta.+ 10  Mpo mokolo moko na mapango na yo eleki mikolo nkóto epai mosusu.+Naponi kotɛlɛma na monɔkɔ ya ndako ya Nzambe na ngai+Na esika nafanda na bahema ya bato mabe.+ 11  Mpo Yehova Nzambe azali moi+ mpe nguba;+Apesaka boboto mpe nkembo.+Yehova ye moko akoboya te kopesa eloko moko ya malamu na baoyo bazali kotambola na bosembo.+ 12  Ee Yehova ya mampinga, esengo na moto oyo azali kotyela yo motema.+

Maloba na nse