Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 8:1-9

Epai ya mokambi ya nzembo ya Gitite.+ Mondule ya Davidi. 8  Ee Yehova Nkolo na biso, nkombo na yo ezali mpenza monene na mabele mobimba,+ Yo oyo lokumu ezali kolobelama kuna na likoló!+   Na monɔkɔ ya bana mpe ya bana oyo bazali komɛla mabɛlɛ omonisi makasi na yo,+ Mpo na baoyo bazali banguna na yo,+ Mpo na kosala ete monguna ná moto oyo azongisaka mabe bátika likambo oyo bazali kosala.+   Ntango nazali komona likoló oyo osalá, misala ya misapi na yo,+ Sanza ná minzoto oyo obongisá,+   Moto—mowei mpamba+—azali nani mpo okanisa ye,+ Mpe mwana ya moto ya mabele mpo obatela ye?+   Mpe osalaki ye mwa moke na nse ya baanzelu,*+ Mpe olatisaki ye motole+ ya nkembo+ mpe ya lokumu.   Ozali kosala ete ye ayangela misala ya mabɔkɔ na yo;+ Otye eloko nyonso na nse ya makolo na ye:+   Bampate, bantaba, ná bangɔmbɛ, yango nyonso,+ Ná banyama ya esobe,+   Bandɛkɛ ya likoló ná mbisi ya mbu,+ Eloko nyonso oyo elekaka na kati ya mbu.+   Ee Yehova Nkolo na biso, nkombo na yo ezali mpenza monene na mabele mobimba!+

Maloba na nse

To, “Baoyo bazali lokola Nzambe.”