Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 77:1-20

Epai ya mokambi ya nzembo na Yedutune. Ya Asafe.+ Mondule. 77  Na mongongo na ngai, nakobelela Nzambe ye moko,+ Na mongongo na ngai nakobelela Nzambe, mpe ye akotyela ngai mpenza litoi.+   Na mokolo ya mpasi na ngai naluki Yehova ye moko.+ Na butu lobɔkɔ na ngai esembolami mpe esili makasi te; Molimo na ngai eboyi kobɔndisama.+   Nakokanisa Nzambe mpe nakozala na yikiyiki;+ Nakomibanzabanza, mpo elimo na ngai elɛmba.+ Sela.   Osimbi ntɔkɔ ya miso na ngai;+ Nakómi kotungisama, mpe nakoki koloba te.+   Nakanisi mikolo ya kala,+ Bambula ya kala oyo etyami ndelo te.   Nakokanisa na butu miziki ya ebɛtɛlo na ngai ya bansinga;+ Na motema na ngai nakomibanzabanza,+ Mpe elimo na ngai ekoluka malamumalamu.   Yehova akobwaka nde mpo na libela,+ Mpe akosepela nde lisusu te?+   Motema boboto na ye esili nde seko?+ Liloba na ye ekómi eloko mpamba libota na libota?+   Nzambe abosani nde komonisa mawa,+ To aboyi nde komonisa makambo ya motema mawa na ye mpo na nkanda?+ Sela. 10  Mpe nasengeli nde ntango nyonso koloba ete: “Talá eloko oyo ezali kotɔbɔla ngai,+ Kobongwana ya lobɔkɔ ya mobali ya Oyo-Aleki-Likoló”?+ 11  Nakokanisa misala ya Yah;+ Mpo nakokanisa misala na yo ya kokamwa ya ntango ya kala.+ 12  Mpe nakomanyola likoló ya mosala na yo nyonso,+ Mpe nakotya likebi na misala na yo.+ 13  Ee Nzambe, nzela na yo ezali na esika mosantu.+ Nani azali Nzambe monene lokola Nzambe?+ 14  Yo ozali Nzambe ya solo, oyo asalaka makambo na ndenge ya kokamwa.+ Kati na bato ya bikólo osali ete makasi na yo eyebana.+ 15  Na lobɔkɔ na yo obikisi bato na yo,+ Bana ya Yakobo mpe ya Yozefe. Sela. 16  Ee Nzambe, mai emoni yo, Mai emoni yo; yango ebandaki koyoka mpasi makasi.+ Lisusu, mai mozindo ebandaki koningana.+ 17  Mapata esopi mai na konguluma lokola nkake;+ Likoló oyo etondi na mapata eyokisi lokito. Lisusu, makula na yo ezalaki kokende epai na epai.+ 18  Lokito ya nkake na yo ezalaki lokola bayiká ya makalo;+ Mikalikali engɛngisi mabele oyo ebotaka;+ Mabele eninganaki mpe ebandaki kolɛnga.+ 19  Nzela na yo ezalaki na mbu,+ Mpe esika olekaka ezalaki na mai mingi; Mpe makolo na yo eyebanaki te. 20  Okambaki bato na yo kaka lokola etonga,+ Na lobɔkɔ ya Moize ná Arona.+

Maloba na nse