Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 7:1-17

Loyembo ya mawa oyo Davidi ayembelaki Yehova mpo na maloba ya Kushi Mobenyamina. 7  Ee Yehova Nzambe na ngai,+ nakimi epai na yo.+ Bikisá ngai na baoyo nyonso banyokolaka ngai mpe sikolá ngai,+   Mpo moto apasola  molimo na ngai te ndenge nkɔsi epasolaka,+ Abɔtɔla ngai ntango mosikoli azali te.+   Ee Yehova Nzambe na ngai, soki nasali likambo oyo,+ Soki kozanga bosembo ezali na mabɔkɔ na ngai,+   Soki nazongisi mabe na moto oyo azali kopesa ngai mbano,+ To soki napunzi moto nyonso oyo azali monguna na ngai kozanga ete alonga,+   Tiká monguna alanda molimo na ngai+ Mpe tiká ye azwa mpe anyata bomoi na ngai na mabele mpenza Mpe afandisa nkembo na ngai na putulu. Sela.   Tɛlɛmá, Ee Yehova, na nkanda na yo;+ Tɛmɛlá kotomboka ya nkanda makasi ya baoyo bazali banguna na ngai,+ Mpe lamuká mpo na ngai,+ mpo opesi mitindo mpo na lisambisi.+   Mpe tiká liyangani ya bituluku ya bato ya bikólo ezingela yo, Mpe zongá na likoló mpo na kotɛmɛla yango.   Yehova ye moko akokatela bato ya bikólo etumbu.+ Sambisá ngai, Ee Yehova, na kolanda boyengebene na ngai+ Mpe na kolanda ezaleli na ngai ya kozanga mbeba+ na kati na ngai.   Nabondeli yo, tiká mabe ya bato mabe esuka,+ Mpe tiká yo opika moyengebene;+ Mpe lokola Nzambe azali moyengebene,+ amekaka motema+ ná bangɛi.+ 10  Nguba na ngai ezali epai ya Nzambe,+ Mobikisi ya baoyo bazali na motema sembo.+ 11  Nzambe azali Mosambisi oyo azali moyengebene,+ Mpe Nzambe azali kobimisa makaneli mikolo nyonso. 12  Soki moto abongwani te,+ akopelisa mopanga na Ye,+ Akogumba mpenza litimbo na Ye, mpe akobongisa yango mpo na kobwaka makula.+ 13  Mpe akomibongisela mpenza bibundeli oyo ebomaka;+ Akokómisa makula na ye makula oyo ezali kopela.+ 14  Talá! Ezali na moto oyo azwi zemi ya makambo oyo eyokisaka mpasi,+ Mpe akumbi zemi ya mpasi mpe akozanga te kobota lokuta.+ 15  Asali libulu, mpe atimoli yango;+ Kasi akokwea na libulu yango oyo asalaki.+ 16  Mpasi na ye ekozongela motó na ye moko,+ Mpe mobulu na ye moko ekokitela motó na ye.+ 17  Nakokumisa Yehova mpo na boyengebene na ye,+ Mpe nakobɛta mondule mpo na nkombo+ ya Yehova, Oyo-Aleki-Likoló.+

Maloba na nse