Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 65:1-13

Epai ya mokambi ya nzembo. Mondule ya Davidi. Loyembo. 65  Ee Nzambe, mpo na yo lisanzoli mpe kimya ezali na Siona;+ Mpe elako ekokokisama epai na yo.+   Ee Moyoki ya libondeli, ɛɛ bato ya lolenge nyonso bakoya epai na yo.+   Makambo ya libunga eleki ngai na makasi.+ Misala na biso ya kobuka mibeko, yo moko okozipa yango.+   Esengo na moto oyo ozali kopona mpe ozali kobɛlɛmisa,+ Mpo afanda na mapango na yo.+ Tokotonda mpenza na bolamu ya ndako na yo,+ Esika mosantu ya tempelo na yo.+   Okoyanola biso na makambo ya nsɔmɔ na boyengebene,+ Ee Nzambe ya lobiko na biso,+ Ye oyo bandelo nyonso ya mabele mpe baoyo bazali mosika kuna na mbu batyelaka motema.+   Ye azali kopika bangomba ngwi na nguya na ye;+ Ye akangi mpenza nguya na loketo na ye.+   Ye azali kokitisa makɛlɛlɛ ya mbu,+ Makɛlɛlɛ ya mbonge na yango mpe yikiyiki ya bituluku ya bato ya bikólo.+   Mpe bato oyo bafandi na bisika oyo eleki mosika mpenza bakobanga mpo na bilembo na yo;+ Ozali kosala ete koganga ya esengo ezala na ntɔngɔ mpe na mpokwa.+   Otyeli mabele likebi na yo, mpo opesa yango biloko ebele;+ Ozali kokómisa yango na bozwi mingi mpenza. Yo Nzambe ozali kotondisa mikɛli na mai.+ Ozali kobongisa mbuma na yango,+ Mpo ezali ndenge wana nde ozali kobongisa mabele.+ 10  Banzela ya mikala na yango ezali kopɔlisama na mai, mabele na yango oyo ekangamakangamá ezali kolalisama;+ Ozali kolɛmbisa yango na mbula monene; ozali kopambola milona na yango ya sika.+ 11  Olatisi mobu motole ya bolamu na yo,+ Mpe banzela na yo ezali kotangisa mafuta.+ 12  Bisika ya koleisa banyama matiti na esobe ezali kotangisa mai,+ Mpe bangomba mike ezali komikanga esengo na loketo.+ 13  Bisika ya koleisa banyama matiti etondi na bitonga,+ Mpe mabwaku ya patatalu ezingami na mbuma.+ Yango ezali koganga na koganga ya bolongi, ɛɛ, ezali koyemba.+

Maloba na nse