Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 63:1-11

Mondule ya Davidi, ntango azalaki na esobe ya Yuda.+ 63  Ee Nzambe, ozali Nzambe na ngai, nazali kaka koluka yo.+ Molimo na ngai ezali mpenza na mposa na yo.+ Mpo nzoto na ngai elɛmbi na ndenge ezali koyoka yo mposa makasi Na mokili oyo ekauká mpe oyo elɛmbá, epai mai ezali te.+   Yango wana natali yo na esika mosantu,+ Ntango namoni makasi na yo mpe nkembo na yo.+   Mpo motema boboto na yo eleki bomoi,+ Mbɛbu na ngai ekokumisa yo.+   Na yango, nakopambola yo bomoi na ngai mobimba;+ Nakotombola mabɔkɔ na ngai na nkombo na yo.+   Molimo na ngai etondi na eteni oyo eleki kitoko, ɛɛ na mafuta,+ Mpe monɔkɔ na ngai ezali kopesa lisanzoli na mbɛbu oyo ezali koganga na esengo.+   Ntango nakanisi yo na mbeto na ngai,+ Namanyolaka likoló na yo na bileko ya kokɛngɛla na butu.+   Mpo osungaki ngai,+ Mpe na elili ya mapapu na yo, nazali koganga na esengo.+   Molimo na ngai elandi yo penepene;+ Lobɔkɔ na yo ya mobali ezali kosimba ngai makasi.+   Nde baoyo bazali kaka koluka molimo na ngai mpo na kobebisa yango,+ Bakokɔta na nse mpenza ya mabele.+ 10  Bakokabama na nguya ya mopanga;+ Bakokóma mpenza bilei ya bagambala.+ 11  Mpe mokonzi ye moko akosepela na Nzambe.+ Moto nyonso oyo azali kolapa ndai na nkombo na ye akomikumisa,+ Mpo monɔkɔ ya baoyo bazali koloba lokuta ekokangisama.+

Maloba na nse