Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 58:1-11

Epai ya mokambi ya nzembo. “Kobebisa te.” Ya Davidi. Mikitame. 58  Awa bofandi nyɛɛ bokoki mpenza kolobela boyengebene?+ Ee bino bana ya bato, bokoki nde kosambisa na bosembo?+   Kutu, na motema na bino bozali nde kosala makambo ya kozanga boyengebene na mabele,+ Mpe bozali kobongisa nzela mpo na mobulu mpenza ya mabɔkɔ na bino!+   Bato mabe bapɛngwi banda na libumu;+ Bayengiyengi banda na libumu; Bazali koloba makambo ya lokuta.+   Ngɛngɛ na bango ezali lokola ngɛngɛ ya nyoka,+ Bakufá matoi lokola kobra oyo ekangaka litoi na yango,+   Oyo ekoyokela mongongo ya balengoli+ te, Atako moto ya mayele azali kosalela yango nkisi.+   Ee Nzambe, buká mino na bango na monɔkɔ na bango.+ Ee Yehova, buká mikuwa ya mbanga ya bana-nkɔsi oyo nkingo etondi na nsuki.   Bányangwa, bákóma lokola mai oyo ezali kotíyola;+ Agumba litimbo mpo na makula na ye wana bazali kokwea.+   Azali kotambola lokola mbɛmbɛ oyo ezali kokufa;* Bakomona mpenza moi te lokola zemi ya mwasi oyo esopani.+   Liboso ete banzungu na bino eyoka nsolo ya mɔtɔ ya mwa nzete ya nzubɛnzubɛ oyo epelisami,+ Akomema mwa nzete yango ya mobesu mpe oyo ezali kopela ndenge mopɛpɛ makasi ememaka.+ 10  Moyengebene akosepela mpo amoni ndenge bazongiseli bato mabe mabe na bango.+ Akosukola makolo na ye na makila ya moto mabe.+ 11  Mpe bato bakoloba ete:+ “Ya solo mpenza mbuma ezali mpo na moyengebene.+ Ya solo mpenza ezali na Nzambe oyo azali kosambisa na mabele.”+

Maloba na nse

Lil., “konyangwa.”