Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 52:1-9

Epai ya mokambi ya nzembo. Maskile. Ya Davidi, ntango Doege Moedome ayaki koyebisa Saulo mpe koloba na ye ete Davidi akendaki na ndako ya Ahimeleke.+ 52  Ee yo moto ya nguya, mpo na nini ozali komikumisa na likambo oyo ezali mabe?+ Motema boboto ya Nzambe ezali mokolo mobimba.+   Lolemo na yo, oyo epeli lokola razware, ezali kokana kobimisa minyoko,+ Ezali kosala na bokosi.+   Olingi oyo ezali mabe koleka oyo ezali malamu,+ Lokuta koleka kolobela boyengebene.+ Sela.   Olingi maloba nyonso oyo ezali koboma,+ Ee yo lolemo ya bokosi.+   Mpe Nzambe ye moko akobuka yo mpo na seko;+ Akobwaka yo na nse mpe akolongola yo na hema na yo,+ Mpe akopikola yo mpenza na mokili ya bato ya bomoi.+ Sela.   Mpe bayengebene bakomona yango mpe bakobanga,+ Mpe bakosɛka ye.+   Talá mobali makasi oyo azali te kotya Nzambe azala ndako na ye ya makasi,+ Kasi oyo azali kotya motema nde na ebele ya bomɛngo na ye,+ Oyo azali koluka libateli na kati ya minyoko oyo ye abimisi.+   Kasi ngai nakozala lokola nzete ya olive oyo etondi na nkasa+ na kati ya ndako ya Nzambe, Nazali mpenza kotya motema na motema boboto ya Nzambe mpo na ntango oyo etyami ndelo te, ɛɛ mpo na seko.+   Nakokumisa yo mpo na ntango oyo etyami ndelo te, mpo yo osali mosala;+ Mpe nakotya elikya na nkombo na yo, mpo yango ezali malamu, liboso ya bato na yo ya sembo.+

Maloba na nse