Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 51:1-19

Epai ya mokambi ya nzembo. Mondule ya Davidi. Ntango Natane mosakoli akɔtaki epai ya Davidi wana asilaki kosangisa nzoto na Bate-sheba.+ 51  Ee Nzambe, moniselá ngai boboto na kolanda motema boboto na yo.+ Longolá misala na ngai ya kobuka mibeko na kolanda motema mawa oyo otondi na yango.+   Sukolá ngai mobimba na libunga na ngai,+ Mpe pɛtolá ngai na lisumu na ngai.+   Mpo ngai moko nayebi misala na ngai ya kobuka mibeko,+ Mpe lisumu na ngai ezali liboso na ngai ntango nyonso.+   Nasaleli yo lisumu, kaka yo moko,+ Mpe nasali oyo ezali mabe na miso na yo,+ Mpo yo omonana moyengebene ntango ozali koloba,+ Mpo yo ozala na libunga te ntango ozali kosambisa.+   Talá! Na libunga nabotamaki na kati ya mpasi,+ Mpe na lisumu mama na ngai azwaki zemi na ngai.+   Talá! Yo osepeli na bosolo oyo ezali na kati ya motema;+ Mpe na kati na ngai moko osala ete nayeba bwanya mpenza.+   Pɛtolá ngai na izope nalongwa na lisumu, mpo nazala pɛto;+ Sukolá ngai, mpo nakóma mpɛmbɛ mingi koleka nɛjɛ.+   Salá ete nayoka nsai makasi mpe esengo,+ Mpo mikuwa oyo otuti ezala na esengo.+   Bombá elongi na yo etala masumu na ngai te,+ Mpe longolá mabunga na ngai nyonso.+ 10  Ee Nzambe, zalisá motema ya pɛto na kati na ngai,+ Mpe tyá kati na ngai elimo ya sika, oyo ezali ngwi.+ 11  Kobwaka ngai mosika na elongi na yo te;+ Mpe elimo santu na yo, Ee kolongola ngai yango te.+ 12  Zongiselá ngai esengo ya lobiko na yo,+ Mpe sungá ngai na elimo oyo elingaka kotosa.+ 13  Nakoteya bato oyo babukaka mibeko banzela na yo,+ Mpo basumuki bázonga mpenza epai na yo.+ 14  Ee Nzambe, bikisá ngai na ngambo ya makila,+ Nzambe ya lobiko na ngai,+ Mpo lolemo na ngai eyebisa boyengebene na yo na esengo.+ 15  Ee Yehova, fungolá mbɛbu na ngai,+ Mpo monɔkɔ na ngai esakola lisanzoli na yo.+ 16  Mpo yo ozali kosepela na mbeka te—soki osepelaka na yango, nalingaki kopesa yango;+ Yo ozali kosepela te na likabo ya kotumba mobimba.+ 17  Bambeka oyo Nzambe andimaka ezali elimo oyo ebukani;+ Ee Nzambe, motema oyo ebukani mpe etutami, okotyola yango te.+ 18  Na bosepeli na yo, salelá Siona malamu;+ Tongá bifelo ya Yerusaleme.+ 19  Bongo okosepela na bambeka ya boyengebene,+ Na mbeka ya kotumba mpe likabo;+ Bongo bangɔmbɛ-mibali ekopesama na etumbelo na yo.+

Maloba na nse