Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 46:1-11

Epai ya mokambi ya nzembo. Ya bana ya Kora+ mpo na Bilenge basi. Loyembo. 46  Nzambe azali ekimelo mpe bokasi na biso,+ Lisalisi oyo ezwamaka noki na bantango ya mpasi.+   Yango wana tokobanga te, ata soki mabele ezali kobongwana+ Mpe ata soki bangomba ezali kotengatenga na kati mpenza ya mbu monene;+   Ata soki mai na yango ezali yikiyiki, ezali kobimisa fulufulu,+ Ata soki bangomba ezali kolɛnga na yikiyiki na yango.+ Sela.   Ezali na ebale moko oyo mikɛli na yango esepelisaka engumba ya Nzambe,+ Tabernakle monene, oyo eleki bosantu, ya Oyo-Aleki-Likoló.+   Nzambe azali na katikati ya engumba yango;+ ekotengatenga te.+ Nzambe akosalisa yango ntango ntɔngɔ ekotana.+   Bikólo ekómaki yikiyiki,+ makonzi ekómaki kotengatenga; Ayokisaki mongongo na ye, mabele ebandaki konyangwa.+   Yehova ya mampinga azali elongo na biso;+ Nzambe ya Yakobo azali esika na biso ya kobombana oyo etombwaná.+ Sela.   Bóya, bótala misala ya Yehova,+ Ndenge atye makambo ya kokamwisa na mabele.+   Ye azali kosilisa bitumba tii na nsuka ya mabele.+ Azali kobukabuka litimbo mpe kokatakata likɔnga;+ Azali kotumba makalo na mɔtɔ.+ 10  “Bótika mpe bóyeba ete ngai nazali Nzambe.+ Nakotombwama na kati ya bikólo,+ Nakotombwama na mabele.”+ 11  Yehova ya mampinga azali elongo na biso;+ Nzambe ya Yakobo azali esika na biso ya kobombana oyo etombwaná.+ Sela.

Maloba na nse