Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 41:1-13

Epai ya mokambi ya nzembo. Mondule ya Davidi. 41  Esengo na moto oyo azali kotya likebi na moto oyo azangá;+Na mokolo ya likama Yehova akobikisa ye.+   Yehova ye moko akokɛngɛla ye mpe akobatela ye na bomoi.+Akotángama moto ya esengo na mabele;+Mpe okoki ata moke te kopesa ye na molimo ya banguna na ye.+   Yehova ye moko akosunga ye na mbeto ya maladi;+Okobongola mpenza mbeto na ye nyonso na boumeli ya maladi na ye.+   Ngai nalobaki ete: “Ee Yehova, moniselá ngai boboto.+Bikisá molimo na ngai, mpo nasaleli yo lisumu.”+   Mpo banguna na ngai, bazali koloba oyo ezali mabe mpo na ngai:+“Ntango nini akokufa mpe nkombo na ye ekolimwa mpenza?”   Mpe soki moto ayei kotala ngai, motema na ye ezali koloba nde lokuta;+Akoluka eloko oyo ekoyokisa ngai mpasi;Akobima; na libándá akolobela yango.+   Bango nyonso elongo, baoyo bayinaka ngai, bazali kolobana na nse nse;+Bazali kaka kokana kosala ngai eloko moko ya mabe:+   “Mpasi* ekangi ye;+Sikoyo lokola alali, akotɛlɛma lisusu te.”+   Lisusu moto oyo azalaki na kimya elongo na ngai, oyo natyelaki motema,+Oyo azalaki kolya limpa na ngai,+ atomboleli ngai litindi na ye.+ 10  Kasi yo, Ee Yehova, moniselá ngai boboto mpe tɛlɛmisá ngai,+Mpo nazongisela bango.+ 11  Na likambo oyo nazali koyeba mpenza ete osepeli na ngai,Mpo monguna na ngai azali koganga te ete alongi ngai.+ 12  Kasi ngai, mpo na ezaleli na ngai ya kozanga mbeba osimbi ngai,+Mpe okotya ngai liboso ya elongi na yo mpo na ntango oyo etyami ndelo te.+ 13  Yehova Nzambe ya Yisraele apambolama+Libela na libela.+Amen mpe Amen.+

Maloba na nse

Lil., “Eloko moko ya mpambampamba.”