Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 40:1-17

Epai ya mokambi ya nzembo. Ya Davidi, mondule. 40  Natyelaki Yehova elikya makasi,+ Mpe asembolelaki ngai litoi na ye mpe ayoki kolela na ngai mpo na kosɛnga lisalisi.+   Lisusu abimisi ngai na libulu oyo mai na yango ezali konguluma,+ Na pɔtɔpɔtɔ ya nse.+ Bongo atɛlɛmisaki makolo na ngai na libanga;+ Apikaki matambe na ngai ngwi.+   Lisusu, atyaki na monɔkɔ na ngai loyembo ya sika, Lisanzoli mpo na Nzambe na biso.+ Mingi bakomona yango mpe bakobanga,+ Mpe bakotyela Yehova motema.+   Esengo na mobali makasi oyo akómisi Yehova moto na ye ya kotyela motema+ Mpe oyo abaloli elongi na ye te mpo na kolanda batomboki, To bato oyo bazali kolanda makambo ya lokuta.+   Yo moko osali makambo mingi,+ Ee Yehova Nzambe na ngai, ɛɛ misala na yo ya kokamwa mpe makanisi na yo epai na biso;+ Moko te akokani na yo.+ Soki nalingi koyebisa to kolobela yango, Ekómi ebele koleka oyo nakoki koyebisa.+   Osepelaki na mbeka mpe na likabo te;+ Ofungolaki matoi na ngai.+ Osɛngaki te likabo ya kotumba mpe likabo mpo na lisumu.+   Na yango, nalobaki ete: “Talá nayei,+ Ndenge ekomami mpo na ngai na rulo ya buku.+   Ee Nzambe na ngai, nasepeli kosala mokano na yo,+ Mpe mobeko na yo ezali na kati na ngai.+   Nayebisi nsango malamu ya boyengebene na lisangá monene.+ Talá! Nazali kokanga mbɛbu na ngai te.+ Ee Yehova, yo moko oyebi yango malamu.+ 10  Nabombi boyengebene na yo na motema na ngai te.+ Nasakoli bosembo na yo mpe lobiko na yo.+ Nabombeli lisangá monene motema boboto na yo mpe bosolo na yo te.”+ 11  Yo, Ee Yehova, koboya komonisela ngai mawa na yo te.+ Motema boboto na yo mpe bosolo na yo ebatela ngai ntango nyonso.+ 12  Mpo bampasi ezingaki ngai kino ekokaki kotángama te.+ Mabunga na ngai elandaki ngai koleka oyo nakokaki komona;+ Ekómaki ebele mpenza koleka nsuki ya motó na ngai,+ Mpe motema na ngai etikaki ngai.+ 13  Ee Yehova, ndimá kobikisa ngai.+ Ee Yehova, salá noki osunga ngai.+ 14  Bango nyonso báyoka nsɔni mpe bábulungana,+ Baoyo bazali koluka molimo na ngai mpo na kokɔmbɔla yango.+ Baoyo bazali kosepela na likama na ngai bázonga nsima mpe básambwa.+ 15  Bátikala monɔkɔ polele mpo na nsɔni na bango+ Baoyo bazali koloba na ngai ete: “Aha! Aha!”+ 16  Básepela mpe bázala na esengo mpo na yo,+ Baoyo nyonso bazali koluka yo.+ Báloba ntango nyonso ete: “Yehova akumisama,”+ Baoyo bazali kolinga lobiko na yo.+ 17  Kasi ngai nazali moto ya mpasi mpe mobola.+ Yehova ye moko azali kotyela ngai likebi.+ Yo ozali mosungi na ngai mpe Mobikisi na ngai.+ Ee Nzambe na ngai, koumela mingi te.+

Maloba na nse