Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 32:1-11

Ya Davidi. Maskile. 32  Esengo na moto oyo balimbisi botomboki na ye, oyo bazipi lisumu na ye.+   Esengo na moto oyo Yehova azali kotángela ye libunga te,+ Mpe oyo elimo na ye ezali na bokosi te.+   Ntango nafandaki nyɛɛ, mikuwa na ngai ezalaki kobeba na kolelalela na ngai mokolo mobimba.+   Mpamba te na moi mpe na butu lobɔkɔ na yo ezalaki kilo likoló na ngai.+ Mai ya bomoi na ngai ekauki lokola na ntango ya molunge oyo ekaukisaka na eleko ya molunge.+ Sela.   Nsukansuka nayambolelaki yo lisumu na ngai, mpe nabombaki libunga na ngai te.+ Nalobaki ete: “Nakoyambolela Yehova makambo na ngai ya kobuka mibeko.”+ Mpe yo moko olimbisaki libunga ya masumu na ngai.+ Sela.   Mpo na yango, moto nyonso ya sembo akobondela yo+ Kaka na ntango oyo okoki kozwama.+ Mpe mpela ya mai mingi ekosimba ye te.+   Yo ozali esika na ngai ya kobombana; okobatela ngai liboso ya mpasi.+ Okozinga ngai na koganga ya esengo na ntango ya kobikisama.+ Sela.   “Nakosala ete ozala na mayele ya kososola mpe nakoteya yo nzela oyo osengeli kokende.+ Nakopesa yo toli wana liso na ngai ezali kotala yo.+   Bómikómisa te lokola mpunda to dɔngi oyo ezangi mayele,+ Oyo ebende ya mbanga to nsinga ya nkingo esukisaka mobulu na yango+ Liboso ebɛlɛma na yo.”+ 10  Bampasi ya moto mabe ezali mingi;+ Kasi moto oyo azali kotyela Yehova motema, motema boboto ezingaka ye.+ 11  Bósepela na Yehova mpe bózala na esengo, bino bayengebene;+ Mpe bóganga na esengo, bino nyonso oyo bozali na motema sembo.+

Maloba na nse