Lakisá makambo oyo ezali na kati

Kende na mitó ya makambo

Batatoli ya Yehova

Poná monɔkɔ Lingala

Nzembo 27:1-14

Ya Davidi. 27  Yehova azali pole+ na ngai mpe lobiko na ngai.+Nakobanga nani?+Yehova azali esika makasi ya libateli ya bomoi na ngai.+Nakozala na nsɔmɔ ya nani?+   Ntango basali-mabe bayelaki ngai mpo na kolya mosuni na ngai,+Bazali batɛmɛli na ngai mpe banguna na ngai mpenza,+Bango nde babɛtaki libaku mpe bakweaki.+   Ata kaa etɛlɛmiseli ngai hema,+Motema na ngai ekobanga te.+Ata etumba ebimeli ngai,+Ata bongo nakotya motema.+   Nasɛngi Yehova eloko moko+Yango nde nakoluka,+Ete nafanda na ndako ya Yehova mikolo nyonso ya bomoi na ngai,+Mpo na komona bisengo ya Yehova+Mpe kotala na botɔndi tempelo na ye.+   Mpo akobomba ngai na esika na ye ya kobombana na mokolo ya likama;+Akobomba ngai na esika ya nkuku ya hema na ye;+Akotombola ngai likoló na libanga.+   Mpe sikoyo motó na ngai ekozala mpenza likoló koleka banguna na ngai oyo bazali zingazinga na ngai;+Mpe na hema na ye nakopesa bambeka na koganga ya esengo;+Nakoyemba mpe nakobɛtɛla Yehova mondule.+   Ee Yehova, yoká ntango nazali kobenga na mongongo na ngai,+Mpe moniselá ngai boboto mpe yanolá ngai.+   Mpo na yo, motema na ngai elobi ete: “Bóluka komona elongi na ngai.”+Ee Yehova, nakoluka komona elongi na yo.+   Kobombela ngai elongi na yo te.+Kobengana mosaleli na yo na nkanda te.+Kómá mosungi na ngai.+Kosundola ngai te mpe kotika ngai te, Ee Nzambe ya lobiko na ngai.+ 10  Soki tata na ngai ná mama na ngai basundoli ngai,+Yehova ye moko akolɔkɔta ngai.+ 11  Ee Yehova, lakisá ngai nzela na yo,+Mpe mpo na banguna na ngai, kambá ngai na nzela ya bosembo. 12  Kokaba ngai te na molimo ya banguna na ngai;+Mpo batatoli ya lokuta babimi mpo na kotɛmɛla ngai,+Ná ye oyo azali kobimisa mobulu.+ 13  Soki nazalaki na kondima te ete nakomona bolamu ya Yehova na mokili ya baoyo bazali na bomoi+​—! 14  Tyelá Yehova elikya;+ zalá na mpiko mpe motema na yo ezala makasi.+Ɛɛ, tyelá Yehova elikya.+

Maloba na nse