Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 26:1-12

Ya Davidi. 26  Ee Yehova, sambisá ngai+ mpo natamboli na ezaleli na ngai ya kozanga mbeba,+ Mpe natyeli Yehova motema, mpo nalɛngalɛnga te.+   Ee Yehova, talá ngai malamumalamu mpe meká ngai;+ Pɛtolá bangɛi na ngai mpe motema na ngai.+   Mpo motema boboto na yo ezali liboso ya miso na ngai, Mpe natamboli na solo na yo.+   Nafandi esika moko na bato ya lokuta te;+ Mpe nakɔtaka te esika moko na baoyo bazali kobomba ndenge bazali.+   Nayini lisangá ya basali-mabe,+ Mpe nafandaka esika moko na bato mabe te.+   Nakosukola mabɔkɔ na ngai mpo na komonisa ete nazali na ngambo te,+ Mpe nakotambola zingazinga na etumbelo na yo, Ee Yehova,+   Mpo na koyokisa lokito ya matɔndi,+ Mpe mpo na kosakola misala na yo nyonso ya kokamwa.+   Yehova, nalingi esika ndako na yo efandi+ Mpe esika nkembo na yo efandi.+   Kolongola molimo na ngai elongo na basumuki te,+ Mpe kolongola bomoi na ngai elongo na bato ya ngambo ya makila te,+ 10  Baoyo mabɔkɔ na bango ezali na etamboli ya nsɔni,+ Mpe baoyo lobɔkɔ na bango ya mobali etondi na kanyaka.+ 11  Ngai nakotambola na ezaleli na ngai ya kozanga mbeba.+ Ee sikolá ngai+ mpe moniselá ngai boboto.+ 12  Lokolo na ngai ekotɛlɛma mpenza na esika ya patatalu;+ Na kati ya ebele ya bato oyo bayangani, nakopambola Yehova.+

Maloba na nse