Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 24:1-10

Ya Davidi. Mondule. 24  Mabele mpe biloko oyo etondisi yango ezali ya Yehova,+ Mabele oyo ebotaka mpe baoyo bazali kofanda wana.+   Mpo atye moboko na yango makasi likoló ya mbu,+ Mpe apiki yango makasi likoló ya bibale.+   Nani akoki komata na ngomba ya Yehova,+ Mpe nani akoki kotɛlɛma na esika na ye mosantu?+   Moto oyo mabɔkɔ na ye ezali na ngambo te mpe oyo motema na ye ezali pɛto,+ Oyo amemi molimo na Ngai na makambo ya mpambampamba te,+ Mpe alapi ndai na bokosi te.+   Akozwa lipamboli oyo euti na Yehova+ Mpe boyengebene oyo euti na Nzambe na ye ya lobiko.+   Yango nde libota ya baoyo balukaka ye, Ya baoyo balukaka elongi na yo, Ee Nzambe ya Yakobo.+ Sela.   “Bótombola mitó na bino, Ee bino baporte,+ Mpe bótɛlɛma, Ee bino bisika ya kokɔta+ oyo ezali koumela ntango molai, Mpo Mokonzi ya nkembo akɔta!”+   “Bongo nani Mokonzi yango ya nkembo?”+ “Yehova oyo azali na makasi mpe na nguya,+ Yehova azali na nguya na etumba.”+   “Bótombola mitó na bino, Ee bino baporte;+ Ɛɛ, bótɛlɛmisa yango, Ee bino bisika ya kokɔta oyo ezali koumela ntango molai, Mpo Mokonzi ya nkembo akɔta!”+ 10  “Bongo Mokonzi yango ya nkembo nde nani?” “Yehova ya mampinga—ye nde Mokonzi ya nkembo.”+ Sela.

Maloba na nse