Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 149:1-9

149  Bósanzola Yah!+ Bóyembela Yehova loyembo ya sika,+ Lisanzoli na ye na kati ya lisangá ya bato ya sembo.+   Yisraele asepela na Mokeli na ye Monene,+ Bana ya Siona—tiká bázala na esengo na Mokonzi na bango.+   Básanzola nkombo na ye na mabina.+ Bábɛtɛla ye mondule na mbonda moke mpe na nzɛnzɛ.+   Mpo Yehova azali kosepela na bato na ye.+ Akómisaka bato ya komikitisa kitoko na lobiko.+   Bato ya sembo bázala na nsai monene na nkembo; Báganga na esengo na bambeto na bango.+   Nzembo ya kokumisa Nzambe ezala na mongongo na bango,+ Mpe mopanga ya mino mibale ezala na lobɔkɔ na bango,+   Mpo na kozongisela bikólo mabe,+ Kopesa bituluku ya bato ya bikólo mpamela,+   Mpo na kokanga bakonzi na bango na minyɔlɔlɔ+ Mpe bato na bango ya lokumu na bikangeli ya ebende,   Mpo na kokweisela bango ekateli ya lisambisi oyo ekomamá.+ Nkembo ya boye ezali ya bato na ye ya sembo.+ Bósanzola Yah!+

Maloba na nse