Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 147:1-20

147  Bósanzola Yah,+ Mpo ezali malamu kobɛtɛla Nzambe na biso mondule;+ Mpo ezali likambo ya kosepelisa—lisanzoli ebongi.+   Yehova azali kotonga Yerusaleme;+ Azali kosangisa bato ya Yisraele oyo bapalanganá.+   Abikisaka+ baoyo bazoki na motema,+ Mpe akangaka bampota na bango oyo ezali kosala mpasi.+   Atángaka motángo ya minzoto;+ Abengaka yango nyonso na nkombo na yango.+   Nkolo na biso azali monene mpe na nguya mingi mpenza;+ Ndenge ya kolobela mayele na ye ezali te.+   Yehova asalisaka bato ya komikitisa;+ Akitisaka bato mabe kino na mabele.+   Bóyembela Yehova nzembo ya matɔndi;+ Bóbɛtɛla Nzambe na biso mondule na nzɛnzɛ,+   Ye oyo azali kozipa likoló na mapata,+ Ye oyo abongisaka mbula mpo na mabele,+ Ye oyo azali kosala ete bangomba ebimisa matiti.+   Azali kopesa banyama bilei,+ Bana ya yanganga oyo bazali se kobelela.+ 10  Asepelaka na nguya ya mpunda te,+ Esengo na ye ezalaka mpe na makolo ya moto te.+ 11  Yehova asepelaka na baoyo bazali kobanga ye,+ Na baoyo bazali kozela motema boboto na ye.+ 12  Ee Yerusaleme, kumisá Yehova.+ Ee Siona, sanzolá Nzambe na yo.+ 13  Mpo akómisi bikangiseli ya baporte na yo makasi; Apamboli bana na yo na kati na yo.+ 14  Azali kotya kimya na teritware na yo;+ Azali se kotondisa yo na mafuta ya mbuma ya blé.+ 15  Azali kotinda liloba na ye na mabele;+ Liloba na ye epotaka mbangu mpenza. 16  Azali kopesa nɛjɛ lokola lɛnɛ;+ Apanzaka putulu ya matandala lokola putulu ya mɔtɔ.+ 17  Azali kobwaka lokola biteni ya mampa mai na ye oyo ekómi libanga.+ Nani akoki kotɛlɛma liboso ya malili na ye?+ 18  Atindaka liloba na ye+ mpe anyangwisaka yango. Apɛpisaka mopɛpɛ na ye;+ Mai etíyolaka. 19  Azali koyebisa Yakobo liloba na ye,+ Malako+ na ye mpe bikateli na ye ya lisambisi epai ya Yisraele.+ 20  Asalelá ekólo mosusu bongo te;+ Mpe bikateli na ye ya lisambisi, bango bayebi yango te.+ Bósanzola Yah!+

Maloba na nse