Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 144:1-15

Ya Davidi. 144  Yehova Libanga+ na ngai apambwama, Ye oyo azali koteya mabɔkɔ na ngai kobunda,+ Azali koteya misapi na ngai etumba;   Motema boboto na ngai mpe esika makasi ya libateli na ngai,+ Esika na ngai ya kobombana oyo etombwaná mpe Mobikisi na ngai,+ Nguba+ na ngai mpe Ye oyo nakimi epai na ye,+ Ye oyo azali kotya bato ya bikólo na nse na ngai.+   Ee Yehova, moto azali nini mpo otyela ye likebi,+ Mwana ya moto—mowei mpamba+—mpo okanisa ye?   Moto azali lokola mwa mopɛpɛ;+ Mikolo na ye ezali lokola elili oyo ezali koleka.+   Ee Yehova, gumbá likoló na yo mpo okita;+ Simbá bangomba mpo ebimisa milinga.+   Ngɛngisá na mikalikali mpo opanza bango;+ Tindá makula na yo mpo otya bango na mobulu.+   Sembolá mabɔkɔ na yo uta na esika etombwaná;+ Pesá ngai bonsomi mpe bikisá ngai na mai ebele,+ Na lobɔkɔ ya bapaya,+   Baoyo monɔkɔ na bango elobi makambo ya solo te+ Mpe baoyo lobɔkɔ na bango ya mobali ezali lobɔkɔ ya lokuta.+   Ee Nzambe, nakoyembela yo loyembo ya sika.+ Nakobɛtɛla yo mondule na ebɛtɛlo oyo ezali na nsinga zomi,+ 10  Ye oyo azali kopesa bakonzi lobiko,+ Ye oyo azali kopesa mosaleli na ye Davidi bonsomi mpo alongwa na mopanga ya mabe.+ 11  Pesá ngai bonsomi mpe bikisá ngai na mabɔkɔ ya bapaya,+ Baoyo monɔkɔ na bango elobi makambo ya solo te+ Mpe baoyo lobɔkɔ na bango ya mobali ezali lobɔkɔ ya lokuta,+ 12  Baoyo balobaka: “Bana mibali na biso ya mike bazali lokola milona ya mike oyo ekolá,+ Bana na biso ya basi bazali lokola makonzí oyo basalá na matumu ya ndako ya mokonzi, 13  Bibombelo na biso etondi, ezali kopesa biloko ya ndenge na ndenge,+ Bitonga na biso ezali se kobota; moko ezali kokóma bankóto, nkóto zomi (10 000), na babalabala na biso, 14  Bangɔmbɛ na biso ekumbaki zemi, ezwaki likama te mpe zemi na yango esopanaki te,+ Mpe koganga ezali te na bisika na biso minene ya bato nyonso.+ 15  Esengo na bato oyo ezali bongo mpo na bango!” Esengo na bato oyo Yehova azali Nzambe na bango!+

Maloba na nse