Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 143:1-12

Mondule ya Davidi. 143  Ee Yehova, yoká libondeli na ngai;+ Tyá litoi na lilɔmbɔ na ngai.+ Na bosembo na yo mpe na boyengebene na yo, yanolá ngai.+   Mpe kosamba na mosaleli na yo te;+ Mpo liboso na yo moto ya bomoi ata moko te akoki kozala moyengebene.+   Mpo monguna alandi molimo na ngai;+ Anyatinyati bomoi na ngai na mabele mpenza.+ Afandisi ngai na bisika ya molili lokola baoyo bakufá kalakala.+   Mpe elimo+ na ngai ezali kolɛmba makasi na kati na ngai; Motema na ngai ekómi kilo.+   Nakanisi mikolo ya kalakala;+ Namanyoli mosala na yo mobimba;+ Nasepelaki komibanzabanza ntango nyonso mpo na mosala ya mabɔkɔ na yo.+   Natandi mabɔkɔ na ngai epai na yo;+ Molimo na ngai ezali lokola mokili oyo ekauká oyo ezali na mposa na yo.+ Sela.   Ee salá mbangu, yanolá ngai, Ee Yehova.+ Elimo na ngai ekómi na nsuka.+ Kobombela ngai elongi na yo te,+ Soki te nakokóma mpenza lokola baoyo bazali kokita na libulu.+   Na ntɔngɔ, yokisá ngai motema boboto na yo,+ Mpo natyeli yo motema.+ Yebisá ngai nzela oyo nasengeli kotambola,+ Mpo natomboli molimo na ngai epai na yo.+   Ee Yehova, bikisá ngai na banguna na ngai.+ Namibombi epai na yo.+ 10  Teyá ngai nayeba kosala mokano na yo,+ Mpo ozali Nzambe na ngai.+ Elimo na yo ezali malamu;+ Ekamba ngai na mokili ya bosembo.+ 11  Mpo na nkombo na yo,+ Ee Yehova, otika ngai na bomoi.+ Na boyengebene na yo,+ obimisa molimo na ngai na mpasi.+ 12  Mpe na motema boboto na yo, okangisa banguna na ngai monɔkɔ;+ Mpe osengeli kobebisa baoyo nyonso bazali banguna ya molimo na ngai,+ Mpo nazali mosaleli na yo.+

Maloba na nse