Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 141:1-10

Mondule ya Davidi. 141  Ee Yehova, nabeleli yo.+Yaká noki epai na ngai.+Tyá litoi na mongongo na ngai ntango nazali kobenga yo.+   Libondeli na ngai ebongisama lokola mpaka ya malasi+ liboso na yo,+Kotombwama ya mabɔkɔ na ngai, lokola likabo ya mbuma ya mpokwa.+   Ee Yehova, tyelá monɔkɔ na ngai mokɛngɛli;+Tyá sinzili na porte ya mbɛbu na ngai.+   Kotinda motema na ngai elanda eloko moko te ya mabe,+Mpo na komipesa na makambo oyo ekendá nsango mpo na mabe na yango+Elongo na bato oyo bazali kosala makambo oyo eyokisaka mpasi,+Mpo nalyaka te bilei na bango ya kitokokitoko.+   Soki moyengebene abɛti ngai, ekozala motema boboto;+Mpe soki apameli ngai, ekozala mafuta na motó na ngai,+Oyo motó na ngai ekoboya te.+Mpo nakokoba kobondela ata na ntango ya bampasi na bango.+   Basambisi na bango babwakami na mipanzi ya libanga tii na nse,+Kasi bayoki ete maloba na ngai ezali kosepelisa.+   Se ndenge bapasolaka mpe bapanzaka nkoni na mabele,Mikuwa na biso epanzani na monɔkɔ ya Nkunda.*+   Nzokande, miso na ngai ezali epai na yo,+ Ee Yehova, Nkolo Mokonzi-Oyo-Aleki-Nyonso.+Nakimi epai na yo.+Kosopa molimo na ngai te.+   Batelá ngai nazwama te na bikangeli ya motambo oyo batyeli ngai+Mpe na mitambo ya baoyo bazali kosala makambo oyo eyokisaka mpasi.+ 10  Bato mabe bakokwea bango nyonso na minyama na bango moko,+Kasi ngai nakoleka.

Maloba na nse

To, “Sheole.” Talá Ap 4.