Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 135:1-21

135  Bósanzola Yah!+ Bósanzola nkombo ya Yehova,+ Bópesa masanzoli, Ee basaleli ya Yehova,+   Bino baoyo botɛlɛmaka na ndako ya Yehova,+ Na mapango ya ndako ya Nzambe na biso.+   Bósanzola Yah, mpo Yehova azali malamu.+ Bóbɛtɛla nkombo na ye mondule, mpo esepelisaka.+   Mpo Yah amiponelá Yakobo,+ Yisraele mpo azala mpenza eloko na ye moko.+   Mpo ngai nayebi ete Yehova azali monene,+ Mpe Nkolo na biso aleki banzambe mosusu nyonso.+   Eloko nyonso oyo Yehova asepelaki kosala asalá yango+ Na likoló mpe na mabele, na mbu mpe na bisika nyonso ya mai mozindo.+   Azali komatisa mbɔngi ya mai na nsuka ya mabele;+ Asalelá kutu mbula baporte;+ Azali kobimisa mopɛpɛ na bandako na ye ya kobomba biloko,+   Ye oyo abomaki bana ya liboso ya Ezipito,+ Moto ná nyama.+   Atindaki bilembo ná makamwisi epai na yo, Ee Ezipito,+ Likoló ya Farao mpe likoló ya basaleli na ye nyonso;+ 10  Ye oyo abɛtaki bikólo ebele+ Mpe abomaki bakonzi ya nguya,+ 11  Ɛɛ, Sihone mokonzi ya Baamore+ Mpe Oge mokonzi ya Bashane+ Mpe makonzi nyonso ya Kanana,+ 12  Mpe ye oyo apesaki mokili na bango ezala libula,+ Libula epai ya Yisraele bato na ye.+ 13  Ee Yehova, nkombo na yo ezali mpo na seko.+ Ee Yehova, ekaniseli na yo ezali mpo na libota na libota.+ 14  Mpo Yehova akosamba likambo ya bato na ye,+ Mpe akoyokela basaleli na ye mawa.+ 15  Bikeko ya bikólo ezali palata mpe wolo,+ Eloko oyo esalemi na mabɔkɔ ya moto ya mabele.+ 16  Ezali na monɔkɔ, kasi ekoki koloba te;+ Ezali na miso, kasi ekoki komona te;+ 17  Ezali na matoi, kasi ekoki koyoka te.+ Mpe zolo na yango ezali na mpema te.+ 18  Baoyo bazali kosala yango bakokóma lokola yango,+ Moto nyonso oyo azali kotyela yango motema.+ 19  Ee ndako ya Yisraele, bópambola Yehova.+ Ee ndako ya Arona, bópambola Yehova.+ 20  Ee ndako ya Levi, bópambola Yehova.+ Bino baoyo bobangaka Yehova, bópambola Yehova.+ 21  Yehova apambwama uta na Siona,+ Ye oyo afandi na Yerusaleme.+ Bósanzola Yah!+

Maloba na nse