Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 115:1-18

115  Eloko moko te ezali ya biso, Ee Yehova, eloko moko te ezali ya biso,+ Pesá nde nkombo na yo nkembo+ Na motema boboto na yo, na bosolo na yo.+   Mpo na nini bikólo báloba:+ “Sikoyo Nzambe na bango azali wapi?”+   Nzokande Nzambe na biso azali na likoló;+ Eloko nyonso oyo asepelaki kosala, asalá yango.+   Bikeko na bango ezali palata mpe wolo,+ Esalemi na mabɔkɔ ya moto ya mabele.+   Ezali na monɔkɔ, kasi elobaka te;+ Ezali na miso, kasi emonaka te;+   Ezali na matoi, kasi eyokaka te.+ Ezali na zolo, kasi eyokaka nsolo te.+   Ezali na mabɔkɔ, kasi esimbaka eloko te.+ Ezali na makolo, kasi etambolaka te;+ Ebimisaka ata liloba moko te na mongongo na yango.+   Baoyo bazali kosala yango bakokóma lokola yango,+ Baoyo nyonso bazali kotyela yango motema.+   Ee Yisraele, tyelá Yehova motema;+ Azali lisalisi na bango mpe nguba na bango.+ 10  Ee ndako ya Arona, bótyela Yehova motema;+ Azali lisalisi na bango mpe nguba na bango.+ 11  Bino baoyo bobangaka Yehova, bótyela Yehova motema;+ Azali lisalisi na bango mpe nguba na bango.+ 12  Yehova ye moko akanisi biso lisusu; akopambola,+ Akopambola ndako ya Yisraele,+ Akopambola ndako ya Arona.+ 13  Akopambola baoyo bazali kobanga Yehova,+ Bato mike ná bato minene.+ 14  Yehova akokómisa bino ebele,+ Bino mpe bana na bino.+ 15  Bozali bato oyo Yehova apamboli,+ Ye Mokeli ya likoló ná mabele.+ 16  Nde likoló, likoló ezali ya Yehova,+ Kasi mabele, apesá yango bana ya bato.+ 17  Bakufi basanzolaka Yah te,+ Ezala mpe moto nyonso oyo azali kokita na esika ya kimya.+ 18  Kasi biso, tokopambola Yah+ Banda sikoyo mpe mpo na libela.+ Bósanzola Yah!+

Maloba na nse