Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 109:1-31

Epai ya mokambi ya nzembo. Ya Davidi. Mondule. 109  Ee Nzambe ya lisanzoli na ngai,+ kofanda nyɛɛ te.+   Mpo moto mabe ná moto ya bokosi bafungoleli ngai monɔkɔ.+Balobeli ngai na lolemo ya lokuta;+   Mpe bazingi ngai na maloba ya koyina,+Mpe bazali kobunda na ngai kaka mpamba.+   Na esika ya bolingo oyo nazali kolinga bango, bazali nde kotɛmɛla ngai;+Kasi ngai nazali kobondela.+   Mpe bazali kozongisela ngai mabe mpo na malamu+Mpe koyina mpo na bolingo oyo nazali kolinga bango.+   Tyá moto moko ya mabe ayangela ye,Mpe motɛmɛli+ atɛlɛma na lobɔkɔ na ye ya mobali.   Ntango asambisami, emonana ete azali moto moko mabe;Mpe libondeli na ye ekóma lisumu.+   Mikolo na ye ezala moke;+Moto mosusu azwa mokumba na ye ya kokɛngɛla.+   Bana na ye bázala bana oyo tata akufá+Mpe mwasi na ye azala mwasi oyo mobali akufá.+ 10  Mpe bana na ye báyengayenga mpenza;+Mpe básɛngasɛnga biloko,Mpe báluka bilei na bisika na bango oyo etikalá mpamba.+ 11  Modefisi oyo asɛngaka benefisi na lokoso atya mitambo mpo na nyonso oyo azali na yango,+Mpe bapaya+ bápunza biloko oyo amonelaki mpasi.+ 12  Azala na moto te oyo akomonisela ye motema boboto,+Mpe ezala na moto te oyo akomonisela bana na ye ya mibali oyo batikali bitike boboto. 13  Bana na ye bázala bato ya kobomama.+Nkombo na bango elongolama na libota oyo ekolanda.+ 14  Libunga ya bankɔkɔ na ye, Yehova abosana yango te,+Mpe lisumu ya mama na ye+—elongolama te.+ 15  Ezala ntango nyonso liboso ya Yehova;+Mpe alongola na mabele makambo oyo ekosala ete bákanisa bango;+ 16  Mpo abosanaki kosalela motema boboto,+Kasi azalaki se kolanda moto ya mpasi mpe mobola+Mpe moto oyo azali na mawa mingi na motema, mpo na koboma ye.+ 17  Mpe azalaki se kolinga elakeli mabe,+ bongo yango eyelaki ye;+Mpe asepelaki na lipamboli te,+Bongo yango ekómaki mosika na ye;+ 18  Mpe balatisaki ye elakeli mabe lokola elamba.+Bongo ekɔtaki lokola mai na kati na ye+Mpe lokola mafuta na kati ya mikuwa na ye. 19  Ezala mpo na ye lokola elamba oyo amilíngaka+Mpe lokola mokaba oyo alataka ntango nyonso.+ 20  Yango nde lifuti oyo euti na Yehova mpo na moto oyo azali kotɛmɛla ngai+Mpe mpo na baoyo bazali koloba mabe mpo na molimo na ngai.+ 21  Kasi yo ozali Yehova Nkolo Mokonzi-Oyo-Aleki-Nyonso.+Salelá ngai bolamu mpo na nkombo na yo.+Lokola motema boboto na yo ezali malamu, bikisá+ ngai. 22  Mpo nazali na mpasi mpe nazali mobola,+Mpe motema na ngai etɔbɔlami.+ 23  Lokola elili ntango ezali kolimwa, nasengeli kokende;+Napupolami lokola liyoyo. 24  Mabɔlɔngɔ na ngai elɛngi na kokila bilei,+Mpe mosuni na ngai ekɔndi, ezali na mafuta te.+ 25  Mpe ngai nakómi na miso na bango eloko moko ya kosambwisa.+Soki bamoni ngai—babandi koningisa motó.+ 26  Ee Yehova Nzambe na ngai, salisá ngai;+Bikisá ngai na motema boboto na yo.+ 27  Mpe báyeba ete oyo nde lobɔkɔ na yo;+Ete yo moko, Ee Yehova, osali yango.+ 28  Bango bálakela mabe,+Kasi yo, pambolá.+Batɛlɛmi, kasi báyoka nsɔni,+Mpe mosaleli na yo asepela.+ 29  Baoyo bazali kotɛmɛla ngai bálata nsɔni,+Mpe bámizipa nsɔni na bango lokola kazaka ezangá mabɔkɔ.+ 30  Nakokumisa Yehova mingi na monɔkɔ na ngai,+Mpe na kati ya bato ebele nakosanzola ye.+ 31  Mpo akotɛlɛma na lobɔkɔ ya mobali ya mobola,+Mpo na kobikisa ye na mabɔkɔ ya baoyo bazali kosambisa molimo na ye.

Maloba na nse