Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 104:1-35

104  Ee Molimo na ngai, pambolá Yehova.+ Ee Yehova Nzambe na ngai, omonisi ete ozali monene mingi.+ Olatá lokumu mpe nkembo,+   Ozali komilínga pole lokola elamba,+ Ozali kotanda likoló lokola elamba ya hema,+   Ye oyo azali kotonga bashambrɛ na ye ya likoló na mabaya minene na kati ya mai mpenza,+ Azali kokómisa mapata likalo na ye,+ Azali kotambola likoló ya mapapu ya mopɛpɛ,+   Azali kosala baanzelu na ye bilimo,+ Basaleli na ye mɔtɔ ya kozikisa.+   Atyá moboko ya mabele na bisika na yango ya libela;+ Ekotengatenga te kino ntango oyo etyami ndelo te, ɛɛ libela.+   Ozipaki yango na mai mozindo lokola elamba.+ Mai etɛlɛmaki likoló ya bangomba.+   Na mpamela na yo, ebandaki kokima;+ Na lokito ya nkake na yo, ekimaki na nsɔmɔ—   Bangomba ebandaki komata,+ Mabwaku ya patatalu ebandaki kokita— Tii na esika oyo otyelá yango moboko.   Otyaki ndelo, oyo yango esengeli koleka te,+ Mpo ezipa mabele lisusu te.+ 10  Azali kotinda maziba na kati ya mabwaku ya mikɛli;+ Ezali se koleka na kati ya bangomba. 11  Ezali kokoba kopesa mai ya komɛla na banyama nyonso ya zamba oyo efandaka na esobe;+ Bazɛbrɛ+ esilisaka mbala na mbala mposa na yango ya mai. 12  Bikelamu oyo epumbwaka na likoló efandaka likoló na yango;+ Kuna na bitape oyo etondi na nkasa, ezali se kosala makɛlɛlɛ.+ 13  Azali kosopela bangomba mai uta na bashambrɛ na ye ya likoló.+ Mabele etondi na mbuma ya misala na yo.+ 14  Azali kobimisa matiti ya mobesu mpo na banyama,+ Mpe milona mpo bato básalela yango,+ Mpo na kobimisa bilei na mabele,+ 15  Mpe vinyo oyo esepelisaka motema ya moto—mowei mpamba,+ Mpo na kongɛngisa elongi na mafuta,+ Mpe limpa oyo epesaka makasi na motema ya moto—mowei mpamba.+ 16  Banzete ya Yehova etondi, Basɛdrɛ ya Libá oyo ye aloná,+ 17  Esika bandɛkɛ etongaka bazumbu.+ Ndɛkɛ babengi nkɔngi, ndako na yango ezali banzete ya jenevriye.+ 18  Bangomba+ ya milai ezali mpo na bantaba ya ngomba;+ Mabanga ezali ekimelo ya basimbiliki ya mabanga.+ 19  Asalá sanza mpo na bantango oyo etyamá;+ Moi eyebi malamu esika yango elalaka.+ 20  Obimisaka molili, mpo ekóma butu;+ Kati na yango, banyama nyonso oyo ezalaka na zamba etambolaka. 21  Bana-nkɔsi oyo nkingo na yango etondi na nsuki bazali koganga mpo na kokanga nyama ya kolya+ Mpe mpo na kosɛnga Nzambe ye moko bilei na bango.+ 22  Soki moi ebandi kongɛnga+—balongwe Mpe balali na bisika na bango ya komibomba. 23  Moto akei na mosala na ye+ Mpe akei kosala mosala na ye tii na mpokwa.+ 24  Ee Yehova, misala na yo ezali mpenza ebele!+ Osalá yango nyonso na bwanya.+ Mabele etondi na biloko oyo obimisaki.+ 25  Bongo mbu oyo, monene boye mpe ebakata,+ Kuna, biloko oyo eyebani motángo te ezali kotambola,+ Bikelamu ya bomoi, ezala ya mike to ya minene.+ 26  Kuna, bamasuwa etambolaka;+ Bongo Leviatana,+ osalá ye asakanaka kuna.+ 27  Bango nyonso—bazali se kozela yo+ Mpo opesa bango bilei na bango na eleko na bango.+ 28  Oyo opesaka bango balɔkɔtaka yango.+ Ofungolaka lobɔkɔ na yo—batondaka na biloko ya malamu.+ 29  Soki obombi elongi na yo, babulungani.+ Soki olongoli elimo na bango, bakati mpema,+ Mpe bazongi na putulu.+ 30  Soki otindi elimo na yo, bazalisami;+ Mpe opesaka mabele elongi ya sika. 31  Nkembo ya Yehova ekozala libela na libela.+ Yehova akosepela na misala na ye.+ 32  Soki atali mabele, ezali kolɛnga;+ Azali kosimba bangomba, mpe yango ezali kobimisa milinga.+ 33  Nakoyembela Yehova bomoi na ngai mobimba;+ Nakobɛtɛla Nzambe na ngai mondule ntango nyonso oyo nazali na bomoi.+ 34  Ndenge nazali komanyola makambo na ye esepelisa.+ Ngai nakosepela na Yehova.+ 35  Basumuki bakosilisama na mabele;+ Mpe bato mabe bakozala lisusu te.+ Ee molimo na ngai, pambolá Yehova. Bósanzola Yah!+

Maloba na nse