Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 103:1-22

Ya Davidi. 103  Ee molimo na ngai, pambolá Yehova,+ Ɛɛ, eloko nyonso oyo ezali na kati na ngai epambola nkombo na ye mosantu.+   Ee molimo na ngai, pambolá Yehova, Mpe kobosana te misala na ye nyonso,+   Ye moto azali kolimbisa libunga na yo mobimba,+ Ye moto azali kobikisa yo na minyoko* na yo nyonso,+   Oyo azali kosikola bomoi na yo na libulu,+ Oyo azali kolatisa yo motole ya motema boboto mpe ya motema mawa,+   Oyo azali kotondisa bomoi na yo na makambo ya malamu;+ Bolenge na yo ezali kokóma lisusu ya sika lokola oyo ya mpongo.+   Yehova azali kosala misala ya boyengebene+ Mpe kozwa bikateli ya lisambisi mpo na baoyo nyonso bato babubi.+   Ayebisaki Moize banzela na ye,+ Misala na ye, na bana ya Yisraele.+   Yehova azali na motema mawa mpe na ngɔlu,+ Ayokaka nkanda noki te mpe atondi na motema boboto.+   Akoluka ntango nyonso komonisa mabunga na biso te,+ Akokanga mpe nkanda te libela.+ 10  Asaleli biso makambo na kolanda masumu na biso te;+ Akweisi mpe biso te na makambo oyo esengelaki tókwea, na kolanda mabunga na biso.+ 11  Mpo se ndenge likoló etombwaná koleka mabele,+ Motema boboto na ye epai ya baoyo bazali kobanga ye eleki monene.+ 12  Se ndenge epai moi ebimaka ezali mosika mingi na epai moi elalaka,+ Ndenge yango nde atye mosika na biso ebele ya misala na biso ya kobuka mibeko.+ 13  Se ndenge tata ayokelaka bana na ye mawa,+ Yehova ayokeli baoyo bazali kobanga ye mawa.+ 14  Mpo ye moko ayebi malamu ndenge oyo tosalemá,+ Azali kobosana te ete tozali putulu.+ 15  Moto—mowei mpamba—mikolo na ye ezali lokola oyo ya matiti ya mobesu;+ Azali kokola lokola fololo ya esobe.+ 16  Mpo ntango mopɛpɛ eleki likoló na yango, ezali lisusu te;+ Mpe esika na yango ekoyeba yango lisusu te.+ 17  Kasi motema boboto ya Yehova ezali libela na libela+ Epai ya baoyo bazali kobanga ye,+ Mpe boyengebene na ye epai ya bana ya bana,+ 18  Epai ya baoyo bazali kobatela kondimana na ye+ Mpe epai ya baoyo bazali kokanisa mitindo na ye mpo na kosalela yango.+ 19  Yehova ye moko apiki makasi kiti na ye ya bokonzi na likoló;+ Mpe bokonzi na ye eyangeli eloko nyonso.+ 20  Bópambola Yehova, Ee bino baanzelu+ na ye, oyo bozali na makasi na kati ya nguya, oyo bozali kosalela liloba na ye,+ Oyo bozali koyoka mongongo ya liloba na ye.+ 21  Bópambola Yehova, bino mampinga na ye nyonso,+ Bino basaleli na ye, oyo bozali kosala mokano na ye.+ 22  Bópambola Yehova, bino misala na ye nyonso,+ Na bisika nyonso ya boyangeli na ye.+ Ee molimo na ngai, pambolá Yehova.+

Maloba na nse

To, “bamaladi.”