Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Nzembo 101:1-8

Ya Davidi. Mondule. 101  Nakoyemba mpo na motema boboto mpe bosembo.+ Ee Yehova, nakobɛtɛla yo mondule.+   Nakosala na bokɛngi, na ndenge oyo ezangi libunga.+ Ntango nini okoya epai na ngai?+ Nakotambolatambola na kati na ndako na ngai na ezaleli ya kozanga mbeba ya motema na ngai.+   Nakotya eloko moko te ya mpambampamba liboso ya miso na ngai.+ Nayiná mosala ya bapɛngwi;+ Ekangamaka na ngai te.+   Motema oyo etɛngamá elongwaka epai na ngai;+ Nayebi eloko moko te ya mabe.+   Moto nyonso oyo azali kokosela moninga na ye makambo na nkuku,+ Nakangisaka ye monɔkɔ.+ Moto nyonso oyo azali na miso ya lolendo mpe na motema ya lofundo,+ Nakoki kolinga ye te.+   Miso na ngai ezali likoló ya basembwi ya mabele,+ Mpo báfanda elongo na ngai.+ Ye oyo azali kotambola na libunga te,+ Ye nde akosalela ngai.+   Moto moko te oyo asalaka na bokosi+ akofanda na ndako na ngai. Bongo moto oyo azali koloba makambo ya lokuta, akopikama makasi te+ Na miso na ngai.+   Ntɔngɔ nyonso, nakokangisa bato mabe nyonso ya mabele monɔkɔ,+ Mpo na kolongola na engumba+ ya Yehova basali nyonso ya makambo oyo eyokisaka mpasi.+

Maloba na nse