Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Mosakoli 4:1-16

4  Mpe ngai nabalukaki mpo namona minyoko nyonso+ oyo ezali kosalema na nse ya moi, mpe talá! mpisoli ya bato oyo bazali konyokwama,+ kasi bazalaki na mobɔndisi te;+ nde bato oyo bazalaki konyokola bango bazalaki na nguya, yango wana bazalaki na mobɔndisi te.  Mpe napesaki longonya na bato oyo bakufá na esika ya kopesa longonya na bato oyo bazali naino na bomoi.+  Yango wana moto oyo aleki bango mibale ezali moto oyo abotami naino te,+ oyo amoni te mosala ya mpasi oyo ezali kosalema na nse ya moi.+  Mpe ngai namoni mosala nyonso ya makasi mpe mayele nyonso na mosala,+ ete ezali kaka kowelana kati na bato;+ yango mpe ezali mpamba mpe kolanda mopɛpɛ.  Zoba azali kokanga mabɔkɔ na ye+ mpe azali kolya mosuni na ye moko.+  Mwa kopema moke* eleki ebele ya mosala makasi* mpe kolanda mopɛpɛ.+  Ngai nabalukaki mpo namona makambo ya mpamba na nse ya moi:  Ezali na moto oyo azali kaka ye moko, azali na moninga te;+ azali mpe na mwana te to na ndeko te,+ kasi na mosala na ye nyonso ya makasi ezali na nsuka te. Lisusu, miso na ye etondi bomɛngo te:+ “Bongo mpo na nani nazali kosala makasi mpe kozangisa molimo na ngai biloko ya malamu?”+ Yango mpe ezali mpamba, mpe ezali mosala ya mpasi.+  Bato mibale baleki moto moko,+ mpo bazali na mbano malamu na mosala na bango ya makasi.+ 10  Mpo soki moko na bango akwei, mosusu akoki kotɛlɛmisa moninga na ye.+ Kasi ekozala boni soki moto oyo azali kaka ye moko akwei mpe moto mosusu azali te mpo na kotɛlɛmisa ye?+ 11  Lisusu, soki bato mibale balali esika moko, bakoyoka mpenza mɔtɔ; kasi moto oyo azali kaka ye moko akoyoka mɔtɔ ndenge nini?+ 12  Mpe soki moto akoki kolonga moto oyo azali kaka ye moko, bato mibale bakoki kotɛlɛmɛla ye.+ Mpe nsinga oyo esalemi na bansinga misato ekatanaka nokinoki te. 13  Mwana oyo akelelá kasi azali na bwanya+ aleki mokonzi oyo azali mobange kasi zoba,+ oyo azali lisusu komona ntina ya makebisi te.+ 14  Mpo abimi na ndako ya bolɔkɔ mpo akóma mokonzi,+ atako abotamaki moto oyo akelelá na bokonzi ya mokonzi wana.+ 15  Namoni likambo oyo ekómelaka bato nyonso ya bomoi oyo bazali kotambolatambola na nse ya moi, ndenge mwana, oyo ayei nsima, azwi esika ya mokonzi.+ 16  Atako bato oyo ye ayangelaki bazalaki ebele mpenza,+ na nsima, bakosepela na ye te,+ mpo yango mpe ezali mpamba mpe kolanda mopɛpɛ.+

Maloba na nse

Lil., “lobɔkɔ moko oyo etondi na kopema.”
Lil., “mabɔkɔ mibale oyo etondi na mosala makasi.”