Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Mosakoli 12:1-14

12  Yango wana, kanisá Mozalisi+ na yo Monene na mikolo ya bolenge na yo,+ liboso mikolo ya mpasi eya,+ to bambula eya ntango okoloba ete: “Nasepeli na yango ata moke te”;+  liboso moi ná pole, mpe sanza ná minzoto eyinda,+ mpe mapata ezonga, mpe nsima na yango, mbula makasi;  na mokolo oyo bakɛngɛli ya ndako+ balɛngaka, mpe mibali oyo bazalaka na nguya ya bomoi bagumbami,+ mpe basi oyo banikaka+ batiki kosala mpo bazali lisusu mingi te, mpe basi oyo batalaka na maninisa+ bamoni molili;  mpe baporte oyo etali na balabala ekangami,+ ntango makɛlɛlɛ ya enikelo ekómi kokita,+ mpe moto azali kolamuka na makɛlɛlɛ ya ndɛkɛ, mpe bana basi nyonso ya loyembo bazali kobimisa mongongo na nse.+  Lisusu, bakómi kobangabanga eloko oyo ezali likoló, mpe makambo ya nsɔmɔ ezali na nzela. Mpe nzete ya amande ezali kobimisa fololo,+ mpe likɔnkɔ ezali komibenda, mpe mbuma ya kapre epasuki, mpo moto azali kokende na ndako na ye ya ntango molai+ mpe baoyo balelaka bazali kotambola na balabala;+  liboso nsinga ya palata elongolama, mpe kibakuli ya wolo ebukana,+ mpe elokó oyo ezali na liziba ya mai epanzana, mpe yiká ya libulu ya kobomba mai ebukana.  Bongo putulu ezali kozonga na mabele+ ndenge ezalaki mpe elimo+ ezali kozonga epai ya Nzambe ya solo+ oyo apesaki yango.+  Moyanganisi+ alobi: “Mpamba ya mpamba mpenza! Eloko nyonso ezali mpamba.”+  Moyanganisi akómaki na bwanya,+ longola yango, ateyaki mpe bato boyebi ntango nyonso,+ mpe akanisaki malamumalamu mpe alukaki malamumalamu,+ mpo atya masese mingi na molɔngɔ.+ 10  Moyanganisi alukaki kozwa maloba ya kitoko+ mpe ndenge ya kokoma maloba ya solo na bosikisiki.+ 11  Maloba ya bato ya bwanya ezali lokola nsɔngɛ ya mangenda ya kotambwisa bangɔmbɛ,+ mpe baoyo bamipesi na kosangisa maloba ya mayele bazali lokola nsɛtɛ oyo ekɔtisami makasi;+ mobateli se moko ya mpate+ nde apesi yango. 12  Mpo na likambo nyonso mosusu longola oyo wana, mwana na ngai, kebá: kosala babuku ebele ezali na nsuka te, mpe komipesa na yango mingi elɛmbisaka nzoto.+ 13  Nsuka ya likambo, yango oyo, nsima ya koyoka makambo nyonso: Bangá Nzambe ya solo+ mpe batelá mitindo na ye.+ Mpo yango nde mokumba nyonso ya moto. 14  Mpo Nzambe ya solo ye moko akosambisa mosala ya ndenge nyonso mpe likambo nyonso oyo ebombami, soki ezali malamu to mabe.+

Maloba na nse