Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Masese 8:1-36

8  Bwanya ezali te kokoba kobelela,+ mpe bososoli ezali te kokoba kobimisa mongongo na yango?+  Etɛlɛmi na nsɔngɛ ya bisika oyo etombwaná,+ pene na nzela, na esika babalabala ekutaná.  Pembeni ya baporte, epai bakɔtaka na sité,+ na bisika oyo bakɔtaka na baporte, yango ezali se koganga makasi+ ete:  “Ee bato, bino nde nazali kobenga, mpe mongongo na ngai ezali kobenga bana ya bato.+  Ee bino bato bozangi mayele, bóyeba eloko babengi bokɛngi;+ mpe bino bazoba, bóyeba eloko babengi kozala na motema.+  Bóyoka, mpo nazali kolobela makambo ya ntina mingi,+ mpo nazali kofungola mbɛbu na ngai mpo na makambo ya kolongobana.+  Mpe monɔkɔ na ngai ezali koloba solo+ na mongongo ya nse; mpe mabe ezali eloko oyo mbɛbu na ngai eyiná.+  Maloba nyonso ya monɔkɔ na ngai ezali na boyengebene.+ Kati na yango, eloko moko oyo egumbamá to oyo etɛngamá ezali te.+  Yango nyonso ezali semba epai ya moto ya bososoli, mpe elongobani epai ya baoyo bazali kozwa boyebi.+ 10  Bózwa disiplini na ngai kasi palata te, mpe boyebi na esika ya wolo oyo eleki kitoko.+ 11  Mpo bwanya ezali malamu koleka mabanga kitoko ya korai,+ mpe bisengo mosusu nyonso ekoki kokokana na yango te.+ 12  “Ngai, bwanya, nafandi esika moko na bokɛngi+ mpe nazwaka boyebi ya likoki ya kokanisa.+ 13  Kobanga Yehova elakisi koyina mabe.+ Komikumisa ná lolendo,+ nzela mabe ná monɔkɔ oyo elobaka makambo ya kilikili,+ nayiná yango. 14  Nazali na toli+ mpe bwanya.+ Ngai—mayele;+ nazali na nguya.+ 15  Na nzela na ngai, bakonzi bakobaka koyangela, mpe bato minene bakobaka kopesa mibeko ya boyengebene.+ 16  Na nzela na ngai, bankumu+ bakobaka koyangela, mpe bato ya lokumu basambisaka bango nyonso na boyengebene.+ 17  Baoyo balingaka ngai, ngai nalingaka bango,+ mpe baoyo balukaka ngai nde bamonaka ngai.+ 18  Bomɛngo ná nkembo ezali elongo na ngai,+ biloko ya motuya ya libula ná boyengebene.+ 19  Mbuma na ngai ezali malamu koleka wolo, ɛɛ koleka wolo oyo epɛtolami, mpe biloko na ngai ezali malamu koleka palata oyo eleki kitoko.+ 20  Natambolaka na nzela ya boyengebene,+ na katikati ya babalabala ya bosembo,+ 21  mpo na kosala ete baoyo balingaka ngai bázala na biloko ya motuya;+ mpe nakobaka kotondisa bandako na bango ya kobomba biloko.+ 22  “Yehova ye moko asalaki ngai ebandeli ya nzela na ye,+ mosala na ye ya liboso mpenza na misala na ye ya kalakala.+ 23  Natyamaki banda ntango oyo etyami ndelo te,+ banda ebandeli, banda bantango ya kala liboso ete mabele ezala.+ 24  Ntango mai mozindo ezalaki te, nabotamaki lokola nde na mpasi ya kobota,+ ntango maziba oyo etondi mpenza na mai ezalaki te. 25  Liboso bangomba etyama,+ liboso ya bangomba mike, nabotamaki lokola nde na mpasi ya kobota, 26  ntango asalaki naino te mabele+ ná bisika ya polele, ná eteni ya liboso ya mabondo ya putulu ya mabele oyo ebotaka.+ 27  Ntango abongisaki likoló nazalaki wana;+ ntango apesaki mobeko ete zolongano ezala likoló ya etando ya mai mozindo,+ 28  ntango akembisaki maboke ya mapata likoló,+ ntango akómisaki makasi maziba ya mai mozindo,+ 29  ntango atyelaki mbu mobeko na ye mpo mai ebuka etinda na ye te,+ ntango apesaki mobeko ete miboko ya mabele ezala,+ 30  na ntango yango nazalaki pembeni na ye lokola mosali ya mayele,+ mpe mokolo na mokolo, nazalaki moto oyo ye azalaki kolinga mingi mpenza,+ wana ngai nazalaki kosepela liboso na ye ntango nyonso,+ 31  wana nazalaki kosepela na mabele na ye oyo ebotaka,+ mpe makambo oyo nazalaki kolinga mingi ezalaki oyo etali bana ya bato.+ 32  “Bongo sikoyo, Ee bana, bóyoka ngai; ɛɛ, esengo na baoyo babatelaka banzela na ngai.+ 33  Bóyoka disiplini mpe bókóma na bwanya,+ mpe bózala na bopɔtu te.+ 34  Esengo na moto oyo azali koyoka ngai, oyo azali kosɛnzɛla na baporte na ngai mokolo na mokolo mpe kokɛngɛla na makonzí ya bisika na ngai ya kokɔta.+ 35  Mpo ye oyo azwi ngai akozwa mpenza bomoi,+ mpe Yehova asepelaka na ye.+ 36  Kasi ye oyo azangi ngai azali konyokola molimo na ye;+ baoyo nyonso bayinaka ngai makasi bazali bato oyo balingaka liwa.”+

Maloba na nse