Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Masese 31:1-31

31  Maloba ya mokonzi Lemuele, maloba ya kilo+ oyo mama na ye ayebisaki ye mpo na kosembola ye:+  Naloba nini, Ee mwana na ngai? Naloba nini, Ee mwana ya libumu na ngai?+ Naloba nini, Ee mwana ya bilako na ngai?+  Kopesa basi nguya na yo ya bomoi te,+ kopesa mpe banzela na yo te na eloko oyo esalaka ete bakonzi bálongolama.+  Ebongi na bakonzi te, Ee Lemuele, ebongi na bakonzi te komɛla vinyo to na bankumu koloba ete: “Wapi masanga oyo elangwisaka?”+  noki moto amɛla mpe abosana mobeko oyo epesami mpe abulunganisa likambo ya moko ya bana oyo bazali komona mpasi.+  Bópesa masanga oyo elangwisaka na moto oyo azali pene na kokufa+ mpe vinyo na baoyo milimo na bango ekómi bololo.+  Tiká moto amɛla mpe abosana bobola na ye, mpe moto akanisa lisusu mpasi na ye te.  Fungolá monɔkɔ na yo mpo na moto oyo alobaka te,+ mpo na likambo ya baoyo nyonso bazali kokufa.+  Fungolá monɔkɔ na yo, sambisá na boyengebene mpe sambá likambo ya moto ya mpasi mpe ya mobola.+ א [ʼAlef] 10  Mwasi oyo akoki, nani akoki kozwa ye?+ Motuya na ye eleki mosika oyo ya mabanga kitoko ya korai. ב [Bet] 11  Motema ya nkolo na ye endimelaka ye, mpe litomba ezangaka te.+ ג [Gimel] 12  Apesaka mobali na ye mbano ya makambo ya malamu, kasi ya mabe te, mikolo nyonso ya bomoi na ye.+ ד [Dalet] 13  Aluki lɛnɛ ná lini, mpe mabɔkɔ na ye esalaka mosala nyonso na esengo.+ ה [Heʼ] 14  Azali lokola bamasuwa ya moto ya mombongo.+ Autaka na bilei na ye mosika. ו [Waw] 15  Alamukaka mpe ntango butu ezali naino,+ mpe apesaka bilei na bato ya ndako na ye mpe akabolelaka bilenge na ye ya basi biloko oyo bakateli bango.+ ז [Zayin] 16  Ataleli malamumalamu elanga moko mpe azwi yango;+ na mbuma ya mabɔkɔ na ye, aloni elanga ya vinyo.+ ח [Het] 17  Akangi bokasi na loketo na ye, mpe akembisi mabɔkɔ na ye.+ ט [Tet] 18  Amoni ete mombongo na ye ezali malamu; mwinda na ye ekufaka te na butu.+ י [Yod] 19  Asemboli mabɔkɔ na ye na motonga ya molai ya kokangisa nsinga mpe mabɔkɔ na ye esimbi motonga ya mokuse mpo na kosala nsinga.+ כ [Kaf] 20  Asemboli lobɔkɔ na ye epai ya moto ya mpasi, mpe asemboli mabɔkɔ na ye epai ya mobola.+ ל [Lamed] 21  Abangelaka bato ya ndako na ye mpo na nɛjɛ te, mpo bato nyonso ya ndako na ye balati bilamba oyo ekangami mibalemibale.+ מ [Mem] 22  Amisaleli babulangiti.+ Bilamba na ye ezali ya lini mpe ya lɛnɛ oyo epakolami langi ya mwa motane-bulé.+ נ [Nun] 23  Nkolo na ye+ azali moto oyo ayebani na baporte,+ ntango afandaka esika moko na mikóló ya mboka. ס [Samek] 24  Asali kutu bilamba ya nse+ mpe abandi kotɛka yango, mpe apesi bato ya mombongo mikaba. ע [ʽAyin] 25  Makasi mpe nkembo nde bilamba na ye,+ mpe asɛkaka mokolo oyo ekoya.+ פ [Peʼ] 26  Afungoli monɔkɔ na ye na bwanya,+ mpe mobeko ya motema boboto ezali na lolemo na ye.+ צ [Tsade] 27  Azali kotya likebi na makambo ya bato ya ndako na ye, mpe alyaka limpa ya gɔigɔi te.+ ק [Kof] 28  Bana na ye batɛlɛmi mpe batángi ye moto ya esengo;+ nkolo na ye azali kotɛlɛma, mpe azali kokumisa ye.+ ר [Resh] 29  Bana basi mingi+ bamonisi ete bazali na makoki, kasi yo—oleki bango nyonso.+ ש [Shin] 30  Bonzenga ekoki kokosa,+ mpe kitoko ekoki kozala mpamba;+ kasi mwasi oyo abangaka Yehova ye nde azwaka lokumu.+ ת [Taw] 31  Bópesa ye mbuma ya mabɔkɔ na ye,+ mpe misala na ye ekumisa ye na baporte.+

Maloba na nse