Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Malaki 1:1-14

1  Liyebisi: Liloba ya Yehova+ mpo na Yisraele na nzela ya Malaki.  Yehova alobi ete: “Nalingi bino.”+ Mpe bino bolobi ete: “Olingi biso na ndenge nini?”+ “Esau azalaki ndeko ya Yakobo te?”+ yango nde liloba ya Yehova. “Kasi nalingaki Yakobo,+  mpe nayinaki Esau;+ mpe nsukansuka nasalaki ete bangomba na ye etikala mpamba+ mpe libula na ye ekóma ya bambulú ya esobe.”+  “Mpamba te Edome azali kaka koloba ete: ‘Bapanzipanzi biso, kasi tokozonga mpe tokotonga bisika oyo ebebisamaki,’ talá oyo Yehova ya mampinga alobi: ‘Bango bakotonga; kasi ngai nakokweisa.+ Mpe bato bakobenga bango mpenza ete “teritware ya makambo mabe” mpe “bato oyo Yehova ayokelá nkanda+ mpo na ntango oyo etyami ndelo te.”  Mpe miso na bino ekomona yango, mpe bino mpenza bokoloba ete: “Yehova akumisama na teritware ya Yisraele.”’”+  “‘Mwana akumisaka tata;+ mpe mosaleli akumisaka nkolo na ye monene.+ Bongo soki ngai nazali tata,+ wapi lokumu oyo bosengeli kopesa ngai?+ Mpe soki nazali Nkolo Monene, wapi bobangi+ oyo bosengeli kobanga ngai?’ Yehova ya mampinga alobi na bino bongo, Ee banganga-nzambe, bino baoyo bozali kotyola nkombo na ngai.+ “‘Mpe bino bolobi ete: “Totyoli nkombo na yo na ndenge nini?”’  “‘Na ndenge bozali kopesa limpa ya mbindo na etumbelo na ngai.’+ “‘Mpe bino bolobi ete: “Tokómisi yo mbindo na ndenge nini?”’ “‘Na ndenge bozali koloba ete: “Mesa+ ya Yehova ezali eloko moko ya kotyolama.”+  Mpe ntango bozali kopesa mbeka nyama oyo ekufá miso: “Mabe ezali te.” Mpe ntango bozali kopesa nyama oyo etɛngumaka to oyo ezali na maladi: “Mabe ezali te.”’”+ “Nabondeli yo, yelá yango guvɛrnɛrɛ na yo. Akosepela nde na yo, to akoyamba nde yo na boboto?” Yehova ya mampinga alobi bongo.  “Mpe sikoyo, nabondeli bino, bókitisa Nzambe motema,+ mpo amonisela biso boboto.+ Euti na lobɔkɔ na bino. Akoyamba nde moto moko na kati na bino na boboto?” Yehova ya mampinga alobi bongo. 10  “Nani lisusu na kati na bino akokanga baporte kaka mpamba?+ Mpe bino bokopelisa mɔtɔ na etumbelo na ngai—mpamba te.+ Nazali kosepela na bino ata moke te,” Yehova ya mampinga alobi bongo, “mpe nazali kosepela ata moke te na likabo ya lobɔkɔ na bino.”+ 11  “Mpo banda esika moi ebimaka tii esika yango elalaka, nkombo na ngai ekozala monene na kati ya bikólo,+ mpe na bisika nyonso bakobimisa milinga ya mbeka,+ makabo ekopesama na nkombo na ngai, ɛɛ likabo ya pɛto;+ mpamba te nkombo na ngai ekozala monene na kati ya bikólo,”+ Yehova ya mampinga alobi bongo. 12  “Kasi bino bozali kotuka+ ngai ntango bozali koloba ete: ‘Mesa ya Yehova ezali eloko ya mbindo, mpe mbuma na yango, elingi koloba biloko na yango, ezali eloko ya kotyolama.’+ 13  Mpe bino bolobi ete: ‘Talá! Tolɛmbi yango!’+ mpe bokómisi yango eloko mpamba,” Yehova ya mampinga alobi bongo. “Mpe boyei na eloko oyo ebɔtɔlami, mpe nyama oyo etɛngumaka, mpe oyo ya maladi;+ ɛɛ, bino boyei na yango likabo. Nakoki nde kosepela na oyo euti na lobɔkɔ na bino?”+ Yehova alobi bongo. 14  “Mpe moto oyo azali kosala na mayele mabe, wana nyama mobali ezali na etonga na ye, mpe azali kosala elako mpe azali kopesa Yehova mbeka ya nyama oyo ezali na mbeba alakelama mabe.+ Mpo nazali Mokonzi monene,”+ Yehova ya mampinga alobi bongo, “mpe nkombo na ngai ekozala nsɔmɔ na kati ya bikólo.”+

Maloba na nse