Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Loyembo ya Salomo 8:1-14

8  “Ee soki ozalaka ata lokola ndeko na ngai ya mobali,+ oyo azali komɛla mabɛlɛ ya mama na ngai!+ Soki namoni yo libándá, nakopwɛpwa yo.+ Bato bakotyola ngai kutu te.  Mbɛlɛ nakambi yo, mbɛlɛ namemi yo na kati ya ndako ya mama na ngai,+ oyo azalaki koteya ngai. Mbɛlɛ napesi yo eloko ya komɛla: vinyo oyo esangisami na matiti ya nsolo kitoko,+ mai ya sika ya mbuma ya grenade.  Lobɔkɔ na ye ya mwasi elingaki kozala na nse ya motó na ngai; mpe lobɔkɔ na ye ya mobali—elingaki kozinga ngai.+  “Nalapisi bino ndai, Ee bana basi ya Yerusaleme, ete bómeka te kolamwisa to kotumola bolingo kati na ngai tii ntango yango moko ekolinga.”+  “Mwasi oyo boye nani,+ oyo azali kobima na esobe,+ alaleli bolingo na ye?”+ “Nalamwisaki yo na nse ya nzete ya pɔme. Kuna mama na yo azalaki na mpasi ya kobota yo. Kuna ye oyo azalaki kobota yo ayokaki mpasi ya kobota.+  “Tyá ngai lokola kashɛ na motema na yo,+ lokola kashɛ na lobɔkɔ na yo; mpo bolingo ezali makasi lokola liwa,+ kosɛnga oyo moto asɛngaka bákangama kaka na ye+ ezali makasi lokola Nkunda.* Kopela na yango ezali kopela ya mɔtɔ, lolemo ya mɔtɔ ya Yah.+  Mai mingi ekoki kozimisa bolingo te,+ bibale mpe ekoki komema yango te.+ Soki moto ameki kopesa biloko nyonso ya motuya ya ndako na ye mpo na bolingo, bato bakotyola yango mpenza.”  “Tozali na leki moko ya mwasi+ oyo abimi naino mabɛlɛ te. Tokosala nini mpo na ndeko na biso ya mwasi na mokolo oyo bakotuna ye?”  “Soki azali efelo,+ tokotonga likoló na ye mwa efelo ya likoló oyo bakatakatá madusu ya palata; kasi soki ye azali porte,+ tokokanga ye na libaya ya sɛdrɛ.” 10  “Nazali efelo, mpe mabɛlɛ na ngai ezali lokola manɔ́ngi.+ Na yango, na miso na ye nakómi lokola mwasi oyo azali na kimya. 11  “Salomo azalaki na elanga moko ya vinyo+ na Baala-hamone. Apesaki babateli elanga yango ya vinyo.+ Mokomoko azalaki koya na shekele ya palata nkóto moko (1 000) mpo na mbuma na yango. 12  “Elanga na ngai ya vinyo, oyo ezali ya ngai, ezali na mabɔkɔ na ngai. Nkóto (1 000) wana ezali ya yo, Ee Salomo, mpe nkama mibale (200) mpo na baoyo bazali kobatela mbuma na yango.” 13  “Ee yo oyo ozali kofanda na bilanga,+ baninga bazali kotya likebi na mongongo na yo. Tiká nayoka yango.”+ 14  “Kimá, bolingo na ngai, mpe kómá lokola mboloko to lokola mwana ya banyama ebengami serfe likoló ya bangomba ya matiti ya nsolo kitoko.”+

Maloba na nse

To, “Sheole.” Talá Ap 4.