Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Loyembo ya Salomo 7:1-13

7  “Matambe na yo ekómi kitoko mingi mpenza na kati ya basandale na yo,+ Ee mwana mwasi oyo alingá kosalisa!+ Ndenge bibɛlɔ na yo egumbamá ezali lokola biloko ya kobongisa nzoto,+ mosala ya mabɔkɔ ya moto oyo ayebi mosala.  Motɔlu na yo ezali saani moko ya libungutulu. Tiká vinyo oyo esangisami+ ezanga na kati te. Libumu na yo ezali mopiko ya blé oyo ezingami na bafololo lísi.+  Mabɛlɛ na yo mibale ezali lokola bana mibale, mapasa ya mboloko ya mwasi.+  Nkingo+ na yo ezali lokola linɔ́ngi ya mpɛmbɛ ya nzoku. Miso+ na yo ezali lokola maziba na Heshibone,+ pene na porte ya Bate-rabime. Zolo na yo ezali lokola linɔ́ngi ya Libá, oyo etali na ngámbo ya Damasi.  Motó na yo likoló na yo ezali lokola Karamele,+ mpe nsuki+ ya motó na yo ezali lokola lɛnɛ oyo epakolami langi ya mwa motane-bulé.+ Mokonzi akangami na nsuki oyo esopanasopaná.+  Kati na makambo oyo esepelisaka, ozali mpenza kitoko, mpe ozali mpenza kosepelisa, Ee mwana mwasi oyo nalingá!+  Bolai na yo oyo ezali lokola nzete ya mbila,+ mpe mabɛlɛ na yo,+ lokola etuka ya mbila ya date.  Nalobi: ‘Nakomata na nzete ya mbila, mpo nasimba bituka ya mbuma na yango ya date.’+ Nabondeli yo, mabɛlɛ na yo ekóma lokola bituka ya mbuma ya nzete ya vinyo, mpe nsolo kitoko ya zolo na yo lokola bapɔme,  mpe monɔkɔ na yo lokola vinyo ya kitoko koleka,+ oyo ezali koleka swaa+ mpo na bolingo na ngai, ezali kokita malɛmbɛmalɛmbɛ na mbɛbu ya bato oyo balali mpɔngi.” 10  “Nazali wa bolingo na ngai,+ mpe mposa na ye ezali epai na ngai.+ 11  Yaká, Ee bolingo na ngai, tókende na elanga;+ tófanda na banzete ya hena.+ 12  Tólamuka ntɔngɔntɔngɔ mpe tókende na bilanga ya vinyo, mpo tótala soki vinyo ebimisi nkasa,+ soki fololo efungwami,+ soki banzete ya grenade ebimisi fololo.+ Kuna nakomonisa yo ndenge na ngai ya kolakisa lolango.+ 13  Bamandragɔre+ epesi nsolo na yango ya kitoko, mpe pene na bisika na biso ya kokɔta ezali na ndenge nyonso ya bambuma kitoko koleka.+ Bambuma ya sika ná oyo ya kala, Ee bolingo na ngai, nabombeli yo yango malamu mpenza.

Maloba na nse