Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Loyembo ya Salomo 6:1-13

6  “Bolingo na yo akei wapi, Ee mwasi oyo aleki basi nyonso na kitoko?+ Bolingo na yo abaluki epai wapi, mpo tóluka ye elongo na yo?”  “Bolingo na ngai akiti na elanga na ye,+ na mwa biteni ya elanga oyo ezali na milona oyo ebimisaka nsolo kitoko,+ mpo na kobatela bampate+ na kati ya bilanga, mpe kobuka bafololo lísi.  Nazali wa bolingo na ngai mpe bolingo na ngai azali wa ngai.+ Azali kobatela bampate+ na kati ya bafololo lísi.”  “Ozali kitoko, Ee moninga na ngai ya mwasi,+ lokola Engumba ya Bisengo,+ bonzenga lokola Yerusaleme,+ ozali kobangisa lokola mampinga ya basoda+ oyo bayangani zingazinga ya bɛndɛlɛ.+  Balolá miso na yo,+ longolá yango liboso na ngai, mpo yango ekati ngai motema. Nsuki na yo ezali lokola etonga ya bantaba oyo ekiti na kopumbwapumbwa banda na Gileade.+  Mino na yo ezali lokola etonga ya bampate ya basi oyo bauti kosukola, bango nyonso bazali na mapasa, moko te kati na bango abungisi bana na ye.+  Mpakatoi na yo ezali lokola ndambo ya mbuma ya grenade na nsima ya litambala na yo.+  Basi ya mokonzi bakoki kozala ntuku motoba (60) mpe bamakango ntuku mwambe (80) mpe baseka ya kotánga te.+  Ezali na moko oyo azali ebenga na ngai,+ oyo azangi mbeba.+ Ezali na moko oyo  azali wa mama na ye. Ye azali moto ya pɛto ya moto oyo abotaki ye. Bana basi bamoni ye, mpe batángi ye moto ya esengo; basi ya mokonzi ná bamakango, mpe babandi kokumisa ye,+ 10  ‘Mwasi oyo boye nani,+ oyo azali kokitisa miso na nse lokola kotana ya ntɔngɔ,+ kitoko lokola sanza oyo ebimi mobimba,+ pɛto lokola moi oyo ezali kongala,+ azali kobangisa lokola mampinga ya basoda oyo bayangani zingazinga ya bɛndɛlɛ?’”+ 11  “Nakitaki na elanga+ ya banzete ya egozi, mpo na kotala bafololo na lobwaku ya mokɛli,+ mpo na kotala soki vinyo ebimisi nkasa, soki banzete ya grenade ebimisi fololo.+ 12  Liboso nayeba yango, molimo na ngai etyaki ngai na makalo ya bato na ngai oyo balingá kosalisa.” 13  “Zongá, zongá, Ee elenge mwasi Moshulame! Zongá, zongá, mpo tótala yo!”+ “Eloko nini bozali kotala epai ya elenge mwasi Moshulame?”+ “Eloko moko lokola mabina ya bakaa mibale!”

Maloba na nse