Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Loyembo ya Salomo 5:1-16

5  “Nakɔti na elanga na ngai,+ Ee ndeko na ngai ya mwasi,+ mwasi na ngai ya libala.+ Nabuki mire+ na ngai esika moko na matiti na ngai ya nsolo kitoko. Nalei ndako ya mafuta ya nzoi na ngai elongo na mafuta ya nzoi na ngai;+ namɛli vinyo na ngai esika moko na miliki na ngai.” “Bólya! Ee baninga! Bómɛla mpe bólangwa ndenge ya kolakisa lolango!”+  “Nalali, kasi motema na ngai elali te.+ Ezali makɛlɛlɛ ya bolingo na ngai: azali kobɛta kɔkɔkɔ!”+ “Fungolelá ngai,+ Ee ndeko na ngai ya mwasi, moninga na ngai ya mwasi, ebenga na ngai, moninga na ngai oyo azangi mbeba!+ Mpo motó na ngai etondi na mamwɛ, nsuki na ngai oyo elíngamalíngamá etondi na matangá ya mai ya butu.”+  “‘Nalongoli zambala na ngai. Nakokoka kolata yango lisusu ndenge nini? Nasukoli makolo na ngai. Nakokoka kokómisa yango salite lisusu ndenge nini?’  Bolingo na ngai abendaki lobɔkɔ na ye, alongoli yango na lidusu ya porte, mpe libumu+ na ngai ekómaki koningananingana na kati na ngai.  Natɛlɛmaki, ɛɛ ngai, mpo na kofungolela bolingo na ngai, mpe mabɔkɔ na ngai ezalaki kotangisa mire mpe misapi na ngai ezalaki kotangisa mire ya mai, likoló ya madusu ya serire.  Ɛɛ ngai, nafungolelaki bolingo na ngai, kasi bolingo na ngai asilaki kobaluka na ye, asilaki koleka. Molimo na ngai ebimaki epai na ngai ntango alobaki. Nalukaki ye, kasi namonaki ye te.+ Nabengaki ye, kasi ayanolaki ngai te.  Basinzili+ oyo bazalaki kotambola epai na epai na kati ya engumba bamonaki ngai. Babɛtaki ngai, bazokisaki ngai. Basinzili ya bifelo+ balongolaki ngai elamba na ngai ya komizipa.  “Nalapisi bino ndai,+ Ee bana basi ya Yerusaleme,+ ete, soki bomoni bolingo na ngai,+ bóyebisa ye ete nabɛli maladi ya bolingo.”+  “Bolingo na yo aleki balingami mosusu na nini,+ Ee yo mwasi oyo aleki basi nyonso na kitoko?+ Bolingo na yo aleki balingami mosusu na nini, mpo olapisa biso ndai ya boye?”+ 10  “Bolingo na ngai azali kongɛnga mpe loposo na ye ezali lokola ngola, ye nde oyo aleki kati na bato nkóto zomi (10 000).+ 11  Motó na ye ezali wolo, wolo oyo epɛtolami. Nsuki na ye oyo elíngamalíngamá ezali bituka ya mbila ya date. Nsuki na ye moindo lokola yanganga. 12  Miso na ye ezali lokola bibenga pene na nzela ya mai, oyo ezali kosukola na kati ya miliki, efandi na kati ya bandelo. 13  Matama na ye ezali lokola mwa eteni ya elanga ya matiti ya nsolo kitoko,+ manɔ́ngi ya matiti ya nsolo. Mbɛbu na ye ezali bafololo lísi, oyo ezali kotangisa mai ya mire.+ 14  Misapi ya mabɔkɔ na ye ezali basilɛndrɛ ya wolo, etondi na krizolite. Libumu na ye ezali etando ya mpɛmbɛ ya nzoku oyo ezipami na mabanga ya safire. 15  Makolo na ye ezali makonzí ya libanga ya marbre oyo batɛlɛmisi likoló ya mabulu ya bitɛlɛmiselo ya wolo oyo epɛtolami. Elongi na ye ezali komonana lokola Libá, kitoko lokola basɛdrɛ.+ 16  Monɔkɔ na ye ezali elɛngi mpenza, mpe eloko nyonso oyo etali ye ezali kitoko.+ Ye nde bolingo na ngai, mpe ye nde moninga na ngai ya mobali, Ee bana basi ya Yerusaleme.”

Maloba na nse