Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Loyembo ya Salomo 4:1-16

4  “Talá! Ozali kitoko,+ Ee moninga na ngai ya mwasi. Talá! Ozali kitoko. Miso na yo ezali miso ya bibenga,+ na nsima ya litambala+ na yo. Nsuki na yo ezali lokola etonga ya bantaba+ oyo ekiti na kopumbwapumbwa banda na etúká ya ngombangomba ya Gileade.+  Mino na yo ezali lokola etonga ya bampate ya basi+ oyo bauti kokatama nsuki sika mpe oyo bamati nsima ya kosukola, bango nyonso bazali na mapasa, moko te kati na bango abungisi bana na ye.  Mbɛbu na yo ezali mpenza lokola nsinga ya elamba ya motane makasi, mpe elobeli na yo ezali kitoko.+ Mpakatoi na yo ezali lokola ndambo ya mbuma ya grenade na nsima ya litambala na yo.+  Nkingo+ na yo ezali lokola linɔ́ngi+ ya Davidi, oyo batongá na milɔngɔ ya mabanga, oyo likoló na yango bakakisá nguba nkóto moko (1 000), banguba nyonso ya zolongano+ ya bilombe mibali.  Mabɛlɛ na yo mibale+ ezali lokola bana mibale, mapasa ya mboloko ya mwasi, oyo bazali kolya na kati ya bafololo lísi.”+  “Liboso ete mopɛpɛ ya moi epɛpa mokemoke+ mpe bilili elimwa, nakokende na ngai na ngomba ya mire mpe ngomba moke ya olibana.”+  “Ozali kitoko+ nzoto mobimba, Ee moninga na ngai ya mwasi, mpe mbeba moko te ezali kati na yo.+  Ee mwasi ya libala,+ yaká koo, elongo na ngai uta na Libá, elongo na ngai uta na Libá.+ Kitá koo, uta na nsɔngɛ ya Anti-Libá, uta na nsɔngɛ ya Senire,+ ɛɛ, Heremone,+ uta na bisika bankɔsi efandaka, uta na bangomba ya bankoi.  Obɛtisi ngai motema, Ee ndeko na ngai ya mwasi,+ mwasi na ngai ya libala,+ obɛtisi ngai motema na moko ya miso na yo,+ na mwa biju moko oyo ezali kodiembela na nsinga ya monzɛlɛ ya nkingo na yo. 10  Ndenge na yo ya kolakisa lolango ezali kitoko mpenza,+ Ee ndeko na ngai ya mwasi, mwasi na ngai ya libala! Ndenge na yo ya kolakisa lolango ezali malamu mpenza koleka vinyo mpe nsolo kitoko ya mafuta na yo eleki mpenza mitindo nyonso ya malasi!+ 11  Mbɛbu na yo ezali se kotangisa mafuta ya nzoi oyo ezali na ndako na yango,+ Ee mwasi na ngai ya libala. Mafuta ya nzoi+ mpe miliki ezali na nse ya lolemo na yo, mpe nsolo kitoko ya bilamba na yo ezali lokola nsolo kitoko+ ya Libá. 12  Ndeko na ngai ya mwasi, mwasi na ngai ya libala, azali elanga oyo bakangi na kati ya lopango,+ elanga oyo bakangi na kati ya lopango, liziba oyo bakangi na elembo. 13  Loposo na yo ezali paradiso ya banzete ya grenade, oyo ezali na bambuma ya kitoko koleka,+ banzete ya hena mpe milona ya narde;+ 14  narde+ mpe fololo safra,+ nkokó ya nsolo mpimbo+ mpe kinamono,+ esika moko na mitindo nyonso ya banzete ya olibana, mire mpe aloe,+ esika moko na malasi nyonso ya kitoko koleka;+ 15  mpe liziba ya bilanga, libulu ya mai ya pɛto,+ mpe mikɛli oyo ezali kotíyola uta na Libá.+ 16  Lamuká, Ee mopɛpɛ ya nɔrdi, mpe kɔtá, Ee mopɛpɛ ya sudi.+ Pɛpá na elanga na ngai.+ Malasi na yango etíyola.” “Bolingo na ngai akɔta na elanga na ye mpe alya bambuma na yango ya kitoko koleka.”

Maloba na nse