Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Loyembo ya Salomo 3:1-11

3  “Na butu, na mbeto na ngai, naluki moto oyo molimo na ngai elingi.+ Nalukaki ye, kasi namonaki ye te.  Nabondeli bino, bótika ngai natɛlɛma mpe nakende epai na epai na engumba;+ na babalabala mpe na bisika minene ya bato nyonso,+ bótika ngai naluka moto oyo molimo na ngai elingi. Nalukaki ye, kasi namonaki ye te.  Basinzili+ oyo bazalaki kobalukabaluka na kati ya engumba bamonaki ngai: ‘Bomoni moto oyo molimo na ngai elingá?’  Ntango kaka nalekaki bango, namonaki moto oyo molimo na ngai elingá. Nakangaki ye, mpe natikaki ye te akende, tii ntango namemaki ye na ndako ya mama na ngai mpe na shambrɛ ya kati ya mwasi oyo akumbaki zemi ya kobota ngai.  Nalapisi bino ndai,+ Ee bana basi ya Yerusaleme, na nkombo ya bamboloko ya basi to na nkombo ya banyama ebengami bishe ya esobe,+ ete bómeka te kolamwisa to kotumola bolingo kati na ngai tii ntango yango moko ekolinga.”+  “Eloko nini wana ezali kobima na esobe lokola makonzí ya milinga, oyo epakolami malasi ya mire mpe ya olibana,+ ɛɛ mitindo nyonso ya pudrɛ ya nsolo kitoko ya moto ya mombongo?”+  “Talá! Ezali mbeto na ye, mbeto ya Salomo. Mibali ya nguya ntuku motoba (60) kati na mibali ya nguya ya Yisraele+ bazali zingazinga na yango,  bango nyonso bazali na mopanga, bateyá bango ndenge ya kobunda, moto na moto na mopanga na ye na ebɛlɔ na ye mpo na komibatela na makambo ya nsɔmɔ na butu.”+  “Ezali tipoyi oyo Mokonzi Salomo amisaleli na banzete ya Libá.+ 10  Asalá makonzí na yango na palata, bitɛlɛmiselo na yango na wolo. Kiti na yango ezali ya lɛnɛ oyo epakolami langi ya mwa motane-bulé, esika na yango ya kati, bana basi ya Yerusaleme babongisá yango na bolingo mpenza.” 11  “Ee bana basi ya Siona, bóbima mpe bótala Mokonzi Salomo na motole ya fololo+ oyo mama na ye+ atongelaki ye na mokolo ya libala na ye mpe na mokolo ya esengo ya motema na ye.”+

Maloba na nse