Lakisá makambo oyo ezali na kati

Kende na mitó ya makambo

Batatoli ya Yehova

Poná monɔkɔ Lingala

Loyembo ya Salomo 1:1-17

1  Loyembo+ oyo eleki nzembo nyonso na kitoko, loyembo oyo ezali ya Salomo:+  “Apwɛpwa ngai na mapwɛpwɛ ya monɔkɔ na ye,+ mpamba te ndenge na yo ya kolakisa lolango ezali kitoko koleka vinyo.+  Nsolo ya mafuta+ na yo ezali kitoko. Nkombo na yo ezali lokola mafuta oyo bazali kosopa.+ Yango wana bilenge basi balingá yo.  Bendá ngai nsima na yo;+ tópota mbangu. Mokonzi amemi ngai na bashambrɛ na ye ya kati!+ Tózala na bisengo mpe tósepela elongo. Tólobela ndenge na yo ya kolakisa lolango koleka vinyo.+ Balingá yo na ntina.+  “Nazali mwana mwasi moko moindo, kasi kitoko, Ee bino bana basi ya Yerusaleme,+ lokola bahema ya Kedare,+ kasi mpe lokola bilamba ya hema+ ya Salomo.  Bótala ngai te mpo nazali moindo, mpo moi eyindisá ngai. Bana mibali ya mama na ngai basilikelaki ngai; batyaki ngai mobateli ya bilanga ya vinyo, atako elanga na ngai ya vinyo,+ elanga oyo ezalaki ya ngai, nabatelaki yango te.  “Yebisá ngai, Ee yo moto molimo na ngai elingá,+ esika oleisaka bibwɛlɛ,+ esika olalisaka etonga na midi. Mpo na nini nakóma na kati ya bitonga ya baninga na yo lokola mwasi oyo amizingi elamba mpo azali kolela moto oyo akufi?”  “Soki oyebi te, Ee yo mwasi oyo aleki basi nyonso na kitoko,+ bimá olanda matambe ya etonga mpe leisá bana-ntaba na yo pene na batabernakle ya babateli ya mpate.”  “Nakokanisi yo na mpunda na ngai ya mwasi oyo ezali na makalo ya Farao,+ Ee moninga na ngai ya mwasi.+ 10  Matama na yo ezali kitoko na kati ya nsuki oyo bakangi na mabɔkɔ, nkingo na yo na kati ya nsinga ya mayaka.+ 11  Tokosalela yo bansinga ya wolo oyo balíngá,+ bakisa mpe mwa mbuma mike ya palata.” 12  “Ntango mokonzi azali na mesa na ye ya zolongano, malasi na ngai ya narde+ ebimisi nsolo na yango ya kitoko.+ 13  Bolingo na ngai azali epai na ngai lokola saki ya mpaka ya mire;+ akolala butu mobimba na katikati ya mabɛlɛ+ na ngai. 14  Bolingo na ngai azali epai na ngai lokola etuka ya bafololo ya hena,+ na kati ya bilanga ya vinyo ya Ene-gedi.”+ 15  “Talá! Ozali kitoko, Ee moninga na ngai ya mwasi.+ Talá! Ozali kitoko. Miso na yo ezali miso ya bibenga.”+ 16  “Talá! Ozali kitoko,+ bolingo na ngai, ozali mpe kosepelisa. Mbeto+ na biso mpe ezali mbeto ya nkasa. 17  Mabaya minene ya ndako na biso ya kitoko ezali basɛdrɛ,+ mabaya ya nsamba na biso ezali banzete ya jenevriye.

Maloba na nse