Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kolimbola Mibeko 7:1-26

7  “Nsukansuka, ntango Yehova Nzambe na yo akokɔtisa yo na mokili epai ozali kokende mpo na kozwa yango,+ ya solo, akolongola mpe liboso na yo+ bikólo oyo etondi na bato: Bahiti,+ Bagirigashe,+ Baamore,+ Bakanana,+ Baperizi,+ Bahivi+ ná Bayebusi,+ bikólo nsambo oyo ezali na bato mingi mpe oyo ezali na nguya mingi koleka yo.+  Mpe Yehova Nzambe na yo akotikela mpenza yo bango, mpe osengeli kolonga bango.+ Okobebisa mpenza bango.+ Osengeli kosala kondimana ata moko te ná bango mpe komonisela bango boboto ata moke te.+  Mpe osengeli kosala kondimana ata moko te ya libala ná bango. Osengeli te kopesa mwana na yo ya mwasi na mwana na ye ya mobali, mpe osengeli te kozwa mwana na ye ya mwasi mpo na mwana na yo ya mobali.+  Mpo ye akopɛngwisa mwana na yo ya mobali mpo atika kolanda ngai, mpe bakosalela mpenza banzambe mosusu;+ mpe nkanda ya Yehova ekongalela mpenza bino, mpe akoumela te koboma yo.+  “Lisusu, talá oyo bokosala bango: Bokokweisa bitumbelo na bango,+ mpe bokobuka makonzí na bango ya losambo,+ mpe bokokata+ banzete na bango ya losambo,+ mpe bokozikisa na mɔtɔ bikeko na bango oyo eyemami.+  Mpo yo ozali ekólo moko mosantu na miso ya Yehova Nzambe na yo.+ Yo nde Yehova Nzambe na yo aponi mpo okóma ekólo na ye, eloko na ye moko, kati na bato ya bikólo nyonso oyo ezali na mabele.+  “Ezali te mpo bozalaki ekólo ya bato mingi koleka bikólo nyonso nde Yehova amoniselaki bino bolingo mingi na ndenge aponaki bino,+ mpamba te bozalaki ekólo ya bato moke koleka bikólo nyonso.+  Kasi ezali mpo Yehova azalaki kolinga bino,+ mpe mpo azalaki kobatela maloba ya ndai oyo alapelaki bankɔkɔ na bino,+ yango wana Yehova abimisaki bino na nguya ya lobɔkɔ na ye,+ mpo asikola bino na ndako ya boombo,+ na lobɔkɔ ya Farao mokonzi ya Ezipito.  Mpe oyebi malamu ete Yehova Nzambe na yo azali Nzambe ya solo,+ Nzambe ya sembo,+ oyo abatelaka kondimana+ mpe motema boboto mpo na baoyo balingaka ye mpe baoyo babatelaka mitindo na ye kino mabota nkóto (1 000),+ 10  kasi moto oyo ayinaka ye, afutaka mpenza boye na miso na ye na kobomáká ye.+ Akokakatana te mpo na moto oyo ayinaka ye; akofuta ye mpenza boye na miso na ye. 11  Mpe osengeli kobatela mitindo ná malako mpe bikateli ya lisambisi oyo nazali kopesa yo lelo, na kosaleláká yango.+ 12  “Mpe ekosalema mpenza boye: mpo bozali kokoba koyoka bikateli oyo ya lisambisi mpe bozali mpenza kosalela yango mpe bozali mpenza kotosa yango,+ Yehova Nzambe na yo akobatela mpenza mpo na yo kondimana+ mpe motema boboto oyo alapelaki bankɔkɔ na yo ndai.+ 13  Mpe akolinga mpenza yo, akopambola+ yo, akokómisa yo mingi+ mpe akopambola mbuma ya libumu+ na yo mpe mbuma ya mabele na yo,+ milona na yo mpe vinyo na yo ya sika mpe mafuta na yo, bana ya bangɔmbɛ na yo mpe bana ya bampate na yo,+ na mabele oyo alapelaki bankɔkɔ na yo ndai ete akopesa yo.+ 14  Okokóma ekólo ya bato oyo bapambwami mingi koleka bikólo nyonso.+ Mobali to mwasi oyo azangi mwana akozala te epai na yo, mpe na kati ya banyama na yo ya mboka.+ 15  Mpe Yehova akolongola yo maladi nyonso; mpe bamaladi mabe nyonso ya Ezipito oyo oyebaki,+ akokweisela yo yango te, mpe akotindela yango mpenza baoyo nyonso bayinaka yo. 16  Mpe osengeli kosilisa bato ya bikólo nyonso oyo Yehova Nzambe na yo azali kopesa yo.+ Miso na yo esengeli te koyokela bango mawa;+ mpe osengeli te kosalela banzambe+ na bango, mpamba te yango ekokómela yo motambo.+ 17  “Soki olobi na motema na yo ete: ‘Bikólo oyo eleki ngai na bato. Ndenge nini nakokoka kobengana yango?’+ 18  osengeli te kobanga yango.+ Okokanisa mpenza oyo Yehova Nzambe na yo asalaki Farao mpe Ezipito mobimba,+ 19  komekama minene oyo miso na yo emonaki,+ ná bilembo ná makamwisi+ ná nguya ya lobɔkɔ+ na ye mpe lobɔkɔ oyo esembolami+ oyo Yehova Nzambe na yo asalelaki mpo na kobimisa yo.+ Ndenge wana nde Yehova Nzambe na yo akosala bato ya bikólo nyonso oyo ozali kobanga liboso na bango.+ 20  Mpe Yehova Nzambe na yo akotindela bango mpe mayoki ya kolɛmba nzoto,+ kino baoyo batikalaki+ mpe oyo bamibombaki liboso na yo bakokufa. 21  Osengeli te koyoka bango nsɔmɔ, mpo Yehova Nzambe na yo azali na kati na yo,+ Nzambe moko monene mpe ya nsɔmɔ.+ 22  “Mpe Yehova Nzambe na yo akobengana mpenza bikólo oyo liboso na yo mokemoke.+ Okopesama nzela te ya kosilisa yango mbangumbangu, noki banyama ya zamba oyo efandaka na esobe ekóma mingi liboso na yo. 23  Mpe Yehova Nzambe na yo akotikela mpenza yo bango mpe akopanza bango kopanza mpenza, kino bakosila nyɛɛ.+ 24  Mpe akopesa mpenza bakonzi na bango na lobɔkɔ na yo,+ mpe yo osengeli kolongola nkombo na bango na nse ya lola.+ Moto moko te akotɛlɛma liboso na yo,+ kino okosilisa bango nyɛɛ.+ 25  Bokozikisa na mɔtɔ+ bikeko oyo eyemami ya banzambe na bango. Osengeli te kolula palata mpe wolo oyo ezali likoló na yango,+ mpe osengeli te kozwa yango mpo na yo,+ noki ekanga yo na motambo;+ mpo ezali eloko moko oyo Yehova Nzambe na yo ayinaka.+ 26  Mpe osengeli te komema na ndako na yo eloko oyo eyinamá noki okóma mpenza eloko oyo esengeli kobebisama lokola yango. Okoyoka yango mpenza mpii mpe okoyina yango mpenza,+ mpamba te ezali eloko oyo esengeli kobebisama.+

Maloba na nse