Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kolimbola Mibeko 34:1-12

34  Bongo Moize alongwaki na mokili patatalu oyo ekauká ya Moabe amataki na Ngomba Nebo,+ na nsɔngɛ ya Pisga,+ oyo etalani na Yeriko.+ Mpe Yehova amonisaki ye mokili yango mobimba, Gileade tii na Dani,+  ná Nafatali mobimba ná mokili ya Efraime ná Manase ná mokili mobimba ya Yuda tii na mbu ya wɛsti,+  ná Negebe+ mpe Etúká,+ lobwaku ya patatalu ya Yeriko, engumba ya banzete ya mbila,+ tii na Zoare.+  Mpe Yehova alobaki lisusu na ye ete: “Talá mokili oyo nalapaki ndai epai ya Abrahama, Yisaka mpe Yakobo ete: ‘Nakopesa yango momboto na yo.’+ Namonisi yo yango na miso na yo moko, mpo okokatisa kuna te.”+  Nsima na yango, Moize mosaleli ya Yehova+ akufaki kuna na mokili ya Moabe, na etinda ya Yehova.+  Mpe akundaki ye na lobwaku, na mokili ya Moabe oyo etalani na Bete-peore,+ mpe moto moko te ayebi lilita na ye tii na mokolo ya lelo.+  Mpe Moize azalaki na mbula nkama moko na ntuku mibale (120) ntango akufaki.+ Liso na ye elɛmbaki te,+ mpe makasi na ye ya bomoi esilaki te.+  Mpe bana ya Yisraele balelaki Moize na mokili patatalu oyo ekauká ya Moabe mikolo ntuku misato (30).+ Nsukansuka, mikolo ya kolela oyo balelaki Moize ekómaki na nsuka.  Mpe Yosua mwana ya Nunu atondaki na elimo ya bwanya,+ mpo Moize atyelaki ye lobɔkɔ;+ mpe bana ya Yisraele babandaki koyokela ye mpe bazalaki kosala kaka ndenge Yehova apesaki Moize mitindo.+ 10  Kasi mosakoli moko abimá naino te na Yisraele lokola Moize,+ oyo Yehova ayebaki ye mpenza boye na elongi,+ 11  na ndenge Yehova atindaki asala bilembo mpe makamwisi nyonso na mokili ya Ezipito epai ya Farao ná basaleli na ye nyonso mpe na mokili na ye mobimba,+ 12  mpe na makambo oyo Moize asalaki na miso ya Yisraele mobimba na nguya nyonso ya lobɔkɔ na ye mpe na makambo minene nyonso ya nsɔmɔ.+

Maloba na nse