Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kolimbola Mibeko 29:1-29

29  Oyo ezali maloba ya kondimana oyo Yehova asalaki ná bana ya Yisraele na mokili ya Moabe, oyo apesaki Moize mitindo, longola kondimana oyo asalaki ná bango na Horebe.+  Bongo Moize abengisaki Yisraele mobimba mpe alobaki na bango ete: “Bino nde bato oyo bomonaki nyonso oyo Yehova asalaki Farao mpe basaleli na ye nyonso mpe mokili na ye mobimba na miso na bino na mokili ya Ezipito,+  komekama minene oyo miso na yo emonaki,+ bilembo+ wana minene mpe makamwisi.+  Kasi, kino mokolo ya lelo, Yehova apesi bino te motema ya koyeba mpe miso ya komona mpe matoi ya koyoka.+  ‘Ntango nakambaki bino na boumeli ya mbula ntuku minei (40) na esobe,+ bilamba na bino ekufaki na nzoto na bino te, mpe sandale na yo ekufaki na lokolo na yo te.+  Bolyaki mampa te,+ mpe bomɛlaki vinyo te, masanga oyo elangwisaka mpe te, mpo bóyeba ete ngai nazali Yehova Nzambe na bino.’  Nsukansuka, bokómaki na esika oyo, mpe Sihone mokonzi ya Heshibone+ ná Oge+ mokonzi ya Bashane babimaki kobunda na biso, kasi tolongaki bango.+  Nsima na yango, tozwaki mokili na bango mpe topesaki yango libula na Barubene mpe na Bagade mpe na ndambo ya libota ya Bamanase.+  Bongo bosengeli kobatela maloba ya kondimana oyo mpe kosalela yango, mpo likambo nyonso oyo bokosala etambola malamu.+ 10  “Bino nyonso botɛlɛmi lelo liboso ya Yehova Nzambe na bino, bankumu ya mabota na bino, mikóló na bino mpe bakapita na bino, mobali nyonso ya Yisraele,+ 11  bana na bino ya mike, basi+ na bino, mpe mopaya oyo afandi na yo,+ oyo azali na kaa na yo, banda na moto oyo alɔkɔtelaka yo nkoni tii na moto oyo atokelaka yo mai,+ 12  mpo okɔta na kondimana+ ya Yehova Nzambe na yo mpe na ndai na ye, oyo Yehova Nzambe na yo azali kosala ná yo lelo;+ 13  mpo akómisa yo lelo ekólo na ye+ mpe mpo amonisa ete azali Nzambe+ na yo, kaka ndenge apesi yo elaka mpe kaka ndenge alapaki ndai epai ya bankɔkɔ na yo Abrahama,+ Yisaka+ mpe Yakobo.+ 14  “Sikoyo nazali kosala kondimana oyo mpe ndai oyo kaka ná bino moko te,+ 15  kasi ná ye oyo atɛlɛmi lelo awa elongo na biso liboso ya Yehova Nzambe na yo mpe elongo na baoyo bazali awa te elongo na biso lelo;+ 16  (mpo bino moko boyebi malamu ndenge tofandaki na mokili ya Ezipito mpe ndenge tolekaki na bikólo oyo bino bolekaki.+ 17  Mpe bozalaki komona makambo na bango ya bosɔtɔ mpe bikeko na bango ya bosɔtɔ,*+ nzete mpe mabanga, palata mpe wolo, oyo ezalaki elongo na bango;) 18  mpo na kati na bino ezala te na mobali to mwasi to libota to etuluka oyo motema na ye ekotika Yehova Nzambe na yo lelo mpo na kokende kosalela banzambe ya bikólo wana;+ mpo na kati na bino ezala te na mosisa oyo ekobota mbuma ya nzete moko ya ngɛngɛ mpe mbondo.+ 19  “Mpe ekosalema mpenza boye: soki moto moko ayoki maloba ya ndai+ oyo, mpe amipamboli na motema na ye, alobi: ‘Nakozala na kimya,+ ata natamboli na motó makasi ya motema na ngai,’+ na makanisi ya kolongola oyo ezwaka mai mingi elongo na oyo ezangi mai, 20  Yehova akolinga kolimbisa ye te,+ kasi nkanda ya Yehova+ mpe molende+ na ye ekopelela moto yango,+ mpe ndai nyonso oyo ekomami na buku+ oyo ekokitela ye mpenza, mpe Yehova akolongola mpenza nkombo na ye na nse ya lola. 21  Bongo Yehova akokabola+ ye mpenza na mabota nyonso ya Yisraele, mpo azwa likama, na kolanda ndai nyonso ya kondimana oyo ekomami na buku oyo ya mobeko. 22  “Mpe libota oyo ekoya, bana na bino oyo bakobima nsima na bino, bakozanga te koloba, mpe mopaya oyo akouta na mokili moko ya mosika, ɛɛ ntango bakomona malɔzi ya mokili yango mpe bamaladi na yango, oyo Yehova akobɛlisa yango,+ 23  sufulu ná mungwa+ mpe kozika,+ bongo eloko ekolonama te na mokili na yango mobimba, mpe ekobimisa milona te, mpe nzete moko te ekobima kuna, lokola kokwea ya Sodoma ná Gomora,+ ya Adema+ ná Zeboyime,+ oyo Yehova akweisaki na nkanda na ye mpe na nkɛlɛ na ye;+ 24  ɛɛ, bikólo nyonso ekozanga te koloba ete: ‘Mpo na nini Yehova asalaki boye na mokili oyo?+ Mpo na nini nkanda monene engalaki boye?’ 25  Bongo bakoloba mpenza boye: ‘Ezali mpo basundolaki kondimana+ ya Yehova Nzambe ya bankɔkɔ na bango, oyo asalaki ná bango ntango abimisaki bango na mokili ya Ezipito.+ 26  Mpe bakendaki kosalela banzambe mosusu mpe kogumbamela bango, banzambe oyo bayebaki te mpe oyo ye apesaki bango te.+ 27  Boye nkanda ya Yehova engalelaki mokili yango mpe ayeiselaki yango elakeli mabe mobimba oyo ekomami na buku oyo.+ 28  Na yango, Yehova apikolaki bango na mabele na bango na nkanda+ mpe na nkɛlɛ mpe na kosilika makasi mpe abwakaki bango na mokili mosusu lokola na mokolo ya lelo.’+ 29  “Makambo oyo ebombami+ ezali ya Yehova Nzambe na biso, kasi makambo oyo emonisami+ ezali ya biso mpe ya bana na biso mpo na ntango oyo etyami ndelo te, mpo tókokisa maloba nyonso ya mobeko oyo.+

Maloba na nse

Talá Le 26:30, msl.