Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kolimbola Mibeko 20:1-20

20  “Ntango okobima mpo na kokende na etumba kobunda na banguna na yo mpe okomona mpenza bampunda ná makalo ya bitumba,+ bato ebele koleka yo, osengeli kobanga bango te; mpo Yehova Nzambe na yo azali elongo na yo,+ ye oyo abimisaki yo na mokili ya Ezipito.+  Mpe ekosalema mpenza boye: ntango bokobɛlɛma na etumba, nganga-nzambe asengeli kopusana mpe koloba na bato.+  Mpe asengeli koloba na bango ete: ‘Yoká, Ee Yisraele, bozali kobɛlɛma lelo na etumba mpo na kobunda na banguna na bino. Mitema na bino ebangabanga te.+ Bóbanga te mpe bókima na nsɔmɔ te mpe bólɛnga mpo na bango te,+  mpo Yehova Nzambe na bino azali kotambola elongo na bino mpo na kobunda na banguna na bino mpo na bino, mpo na kobikisa bino.’+  “Bakapita+ mpe basengeli koloba na bato ete: ‘Moto nani atongi ndako ya sika mpe abandi naino kosalela yango te? Akende mpe azonga na ndako na ye, noki akufa na etumba mpe moto mosusu abanda kosalela yango.+  Mpe moto nani aloni elanga ya vinyo mpe abandi naino kolya mbuma na yango te? Akende mpe azonga na ndako na ye, noki akufa na etumba mpe moto mosusu abanda kolya mbuma na yango.+  Mpe moto nani alaki mwasi libala mpe akamati ye naino te? Akende mpe azonga na ndako na ye,+ noki akufa na etumba mpe moto mosusu akamata ye.’  Mpe bakapita basengeli koyebisa lisusu bato mpe koloba ete: ‘Moto nani azali kobanga mpe alɛmbi na motema?+ Akende mpe azonga na ndako na ye, mpo alɛmbisa mitema ya bandeko na ye te lokola oyo ya ye.’+  Mpe ekosalema mpenza boye: ntango bakapita bakosilisa koloba na bato, basengeli mpe kotya bakonzi ya mampinga na liboso ya bato. 10  “Soki obɛlɛmi na engumba moko mpo na kobunda na yango, osengeli mpe koyebisa bato na yango makambo oyo basengeli kosala mpo kimya ezala.+ 11  Mpe ekosalema mpenza boye: soki bazongiseli yo eyano ya kimya mpe bafungoleli yo yango mpo okɔta, ɛɛ, ekosalema mpenza boye: bato nyonso oyo okokuta kuna bakokóma bato na yo ya kosalisa misala ya makasi, mpe basengeli kosalela yo.+ 12  Kasi soki engumba yango eluki kozala na kimya elongo na yo te,+ mpe ya solo ebundi na yo etumba mpe soki esengeli ete ozinga yango, 13  Yehova Nzambe na yo akopesa yango na lobɔkɔ na yo, mpe osengeli koboma mobali nyonso kuna na mopanga.+ 14  Kaka basi ná bana mike+ ná banyama ya mboka+ mpe eloko nyonso oyo ezali na engumba yango, biloko na yango nyonso oyo etikali nde okopunza mpo na yo;+ mpe osengeli kolya biloko oyo opunzi epai ya banguna na yo, oyo Yehova Nzambe na yo apesi yo.+ 15  “Ndenge wana nde okosala bingumba nyonso oyo ezali mpenza mosika na yo, oyo ezali na bingumba ya bikólo oyo te. 16  Ezali kaka na bingumba ya bato ya bikólo wana, oyo Yehova Nzambe na yo azali kopesa yo libula nde osengeli te kobatela na bomoi eloko nyonso oyo ezali kopema,+ 17  mpo osengeli mpenza koboma bango: Bahiti ná Baamore, Bakanana ná Baperizi, Bahivi ná Bayebusi,+ kaka ndenge Yehova Nzambe na yo apesi yo mitindo; 18  mpo báteya bino te kolanda makambo nyonso na bango oyo eyinamá, oyo basaleli banzambe na bango, mpe mpo bósalela mpenza Yehova Nzambe na bino lisumu te.+ 19  “Soki ozingi engumba moko mikolo mingi, obundi na yango mpo ozwa yango, osengeli te kobebisa banzete na yango na kosaleláká sóka mpo na kokata yango; mpo okolya biloko oyo euti na yango, mpe osengeli kokata yango te,+ mpo nzete ya elanga ezali nde moto mpo ozinga yango? 20  Kaka nzete oyo oyebi ete ezali nzete oyo balyaka te, yango nde okobebisa, mpe osengeli kokata yango mpe kosala biloko ya kozingela+ engumba oyo ezali kobunda na yo etumba, kino yango ekokwea.

Maloba na nse