Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kolimbola Mibeko 13:1-18

13  “Soki mosakoli+ moko to molɔti ndɔtɔ+ moko oyo alɔti ndɔtɔ abimi epai na yo mpe apesi yo elembo moko to likamwisi moko ya komonisa makambo oyo ekoya,+  mpe elembo yango to likamwisi yango ya komonisa makambo oyo ekoya ekokisami, oyo alobelaki yo+ ete: ‘Tólanda banzambe mosusu, oyo yo oyebi te, mpe tósalela bango,’  osengeli te koyoka maloba ya mosakoli yango to ya molɔti ndɔtɔ yango oyo alɔti ndɔtɔ,+ mpamba te Yehova Nzambe na bino azali komeka+ bino mpo na koyeba soki bozali kolinga Yehova Nzambe na bino na motema na bino mobimba mpe na molimo na bino mobimba.+  Yehova Nzambe na bino nde bokolanda, mpe ye nde bokobanga, mpe mitindo na ye nde bokotosa, mpe mongongo na ye nde bokoyoka, mpe ye nde bokosalela, mpe bokokangama kaka na ye.+  Mpe mosakoli+ yango to molɔti ndɔtɔ yango oyo alɔti ndɔtɔ asengeli kobomama,+ mpamba te alobeli likambo ya kotombokela Yehova Nzambe na bino, oyo abimisaki bino na mokili ya Ezipito mpe asikoli yo na ndako ya boombo, mpo na kopɛngwisa yo na nzela oyo Yehova Nzambe na yo apesi yo mitindo otambola+ na yango; mpe osengeli kolongola oyo ezali mabe epai na yo.+  “Soki ndeko na yo, mwana ya mama na yo, to mwana na yo ya mobali to mwana na yo ya mwasi to mwasi na yo ya bolingo to moninga na yo oyo azali lokola molimo na yo moko,+ ameki kobenda yo na nkuku, na maloba oyo: ‘Tókende mpe tósalela banzambe mosusu,’+ oyo oyebi te, ezala yo ezala bankɔkɔ na yo,  banzambe mosusu ya bato ya bikólo oyo bazali zingazinga na bino, bato oyo bazali penepene na yo to baoyo bazali mosika na yo, banda na nsuka oyo ya mokili kino na nsuka mosusu ya mokili,  osengeli te kosala ndenge ye alingi to koyoka ye,+ mpe liso na yo ekoyokela ye mawa te, mpe osengeli komonisela ye motema mawa te,+ mpe osengeli kobomba ye te;  kasi osengeli mpenza koboma ye.+ Lobɔkɔ na yo ekozala lobɔkɔ ya liboso oyo ekokitela ye mpo na koboma ye, mpe na nsima lobɔkɔ ya bato nyonso.+ 10  Mpe osengeli kobamba ye mabanga, mpe asengeli kokufa,+ mpamba te alukaki kopɛngwisa yo otika Yehova Nzambe na yo, oyo abimisaki yo na mokili ya Ezipito, na ndako ya boombo.+ 11  Boye Yisraele mobimba ekoyoka mpe ekobanga, mpe bakosala lisusu te eloko mabe lokola oyo epai na yo.+ 12  “Soki oyoki na moko ya bingumba na yo, oyo Yehova Nzambe na yo azali kopesa yo mpo na kofanda kuna, balobi ete: 13  ‘Bato ya mpambampamba babimi epai na yo+ mpo na koluka kopɛngwisa bato oyo bafandi na engumba+ na bango, na maloba oyo: “Tókende mpe tósalela banzambe mosusu,” oyo bino boyebi te,’ 14  osengeli koluka mpe kotalatala mpe kotuna malamumalamu;+ mpe soki likambo yango emonani ete ezali solo, ete likambo yango oyo eyinamá esalemi epai na yo, 15  okobɛta mpenza bato oyo bafandi na engumba yango na mopanga.+ Mpe eloko nyonso oyo ezali kuna, mpe banyama na yango ya mboka, okobebisa+ yango na mopanga. 16  Mpe okosangisa biloko na yango nyonso oyo ekopunzama na katikati ya esika na yango monene ya bato nyonso, osengeli kozikisa engumba+ yango na mɔtɔ ná biloko na yango nyonso oyo epunzami mpo ezala likabo mobimba oyo epesami na Yehova Nzambe na yo, mpe yango ekokóma libondo ya bitiká mpo na ntango oyo etyami ndelo te.+ Ekotongama lisusu ata moke te. 17  Mpe eloko ata moko te oyo ekómisami ekila mpo ebebisama ekokangama na lobɔkɔ na yo,+ mpo Yehova atika nkanda na ye ya kongala+ mpe ayokela yo mpenza mawa mpe amonisela yo mpenza mawa+ mpe akómisa yo mingi, kaka ndenge alapelaki bankɔkɔ na yo ndai.+ 18  Mpo osengeli koyoka mongongo ya Yehova Nzambe na yo na kobateláká mitindo+ na ye nyonso oyo nazali kopesa yo lelo, mpo na kosala oyo ezali sembo na miso ya Yehova Nzambe na yo.+

Maloba na nse