Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kobima 40:1-38

40  Na nsima Yehova alobaki na Moize ete:  “Na sanza ya liboso,+ na mokolo ya liboso ya sanza yango, okotɛlɛmisa tabernakle ya hema ya kokutana.+  Mpe osengeli kotya sanduku ya litatoli+ na kati mpe kokanga na rido nzela ya kokóma na Sanduku.+  Mpe osengeli kokɔtisa mesa+ mpe kotya biloko na yango na molɔngɔ, mpe osengeli kokɔtisa etɛlɛmiselo ya miinda+ mpe kopelisa miinda na yango.+  Mpe osengeli kotya etumbelo ya wolo mpo na mpaka ya malasi+ liboso ya sanduku ya litatoli mpe kotya elamba ya kozipa monɔkɔ ya tabernakle.+  “Mpe osengeli kotya etumbelo+ ya likabo ya kotumba liboso ya monɔkɔ ya tabernakle ya hema ya kokutana,  mpe osengeli kotya saani monene kati na hema ya kokutana ná etumbelo mpe kotya mai na kati.+  Mpe osengeli kotya lopango+ zingazinga mpe kotya elamba ya kozipa+ ya monɔkɔ ya lopango.  Mpe osengeli kozwa mafuta mosantu+ mpe kotya tabernakle mafuta ná nyonso oyo ezali na kati,+ mpe osengeli kosantisa yango mpe bisaleli na yango nyonso, bongo esengeli kokóma eloko mosantu. 10  Mpe osengeli kotya mafuta na etumbelo ya likabo ya kotumba ná bisaleli na yango nyonso mpe kosantisa etumbelo,+ bongo esengeli kokóma etumbelo moko oyo eleki bosantu.+ 11  Mpe osengeli kotya saani monene mafuta ná etɛlɛmiselo na yango mpe kosantisa yango. 12  “Na nsima osengeli kobɛlɛmisa Arona ná bana na ye ya mibali na monɔkɔ ya hema ya kokutana mpe kosukola bango na mai.+ 13  Mpe osengeli kolatisa Arona bilamba mosantu+ mpe kotya ye mafuta+ mpe kosantisa ye, bongo asengeli kosalela ngai mosala ya nganga-nzambe. 14  Nsima na yango okobɛlɛmisa bana na ye ya mibali mpe osengeli kolatisa bango bazambala.+ 15  Mpe osengeli kotya bango mafuta kaka ndenge otyaki tata na bango mafuta,+ bongo basengeli kosalela ngai mosala ya banganga-nzambe, mpe kotyama oyo batyami mafuta esengeli kopesa bango nzela ya kosala mosala ya bonganga-nzambe ntango nyonso, mpo na ntango oyo etyami ndelo te, na boumeli ya mabota na bango.”+ 16  Mpe Moize abandaki kosala na kolandáká mitindo nyonso oyo Yehova apesaki ye.+ Asalaki kaka bongo. 17  Na yango esalemaki boye: na sanza ya liboso, na mbula ya mibale, na mokolo ya liboso ya sanza yango, tabernakle etɛlɛmisamaki.+ 18  Ntango Moize abandaki kotɛlɛmisa tabernakle, alalisaki bitɛlɛmiselo na yango oyo ezali na mabulu+ mpe atyaki bakadrɛ na yango+ mpe atyaki bikangiseli na yango+ mpe atɛlɛmisaki makonzí na yango.+ 19  Na nsima asembolaki hema+ likoló ya tabernakle mpe atyaki ezipeli+ ya hema likoló na yango na likoló, kaka ndenge Yehova apesaki Moize mitindo. 20  Nsima na yango akamataki Litatoli+ mpe atyaki yango na kati ya Sanduku+ mpe akɔtisaki banzete ya komema+ Sanduku mpe atyaki ezipeli+ likoló ya Sanduku, na likoló.+ 21  Na nsima akɔtisaki Sanduku na Tabernakle mpe atyaki rido+ ya elamba ya kozipa mpe akangaki nzela ya kokóma na sanduku ya litatoli,+ kaka ndenge Yehova apesaki Moize mitindo. 22  Na nsima atyaki mesa+ na kati ya hema ya kokutana na mopanzi ya tabernakle, epai ya nɔrdi, libándá ya rido, 23  mpe abongisaki molɔngɔ ya mampa+ likoló na yango liboso ya Yehova, kaka ndenge Yehova apesaki Moize mitindo. 24  Na nsima atyaki etɛlɛmiselo ya miinda+ na kati ya hema ya kokutana, etalani na mesa, na mopanzi ya tabernakle, epai ya sudi. 25  Na nsima apelisaki miinda+ liboso ya Yehova, kaka ndenge Yehova apesaki Moize mitindo. 26  Na nsima atyaki etumbelo+ ya wolo na kati ya hema ya kokutana liboso ya rido, 27  mpo asala ete mpaka ya malasi ebimisa milinga likoló na yango,+ kaka ndenge Yehova apesaki Moize mitindo. 28  Nsukansuka atyaki elamba ya kozipa+ monɔkɔ ya tabernakle. 29  Mpe atyaki etumbelo+ ya likabo ya kotumba na monɔkɔ ya tabernakle ya hema ya kokutana, mpo apesa likabo ya kotumba+ mpe likabo ya mbuma likoló na yango, kaka ndenge Yehova apesaki Moize mitindo. 30  Na nsima atyaki saani monene kati na hema ya kokutana ná etumbelo mpe atyaki na kati ya saani yango mai ya kosukola.+ 31  Mpe Moize ná Arona ná bana na ye ya mibali basukolaki mabɔkɔ na bango mpe makolo na bango na saani yango. 32  Ntango bazalaki kokɔta na hema ya kokutana mpe ntango bazalaki kobɛlɛma na etumbelo, bazalaki kosukola,+ kaka ndenge Yehova apesaki Moize mitindo. 33  Nsukansuka atɛlɛmisaki lopango+ zingazinga na tabernakle ná etumbelo mpe atyaki elamba ya kozipa monɔkɔ ya lopango.+ Bongo Moize asilisaki mosala. 34  Mpe lipata+ ebandaki kozipa hema ya kokutana, mpe nkembo ya Yehova etondisaki tabernakle. 35  Mpe Moize akokaki te kokɔta na hema ya kokutana, mpamba te lipata+ efandaki likoló na yango mpe nkembo ya Yehova etondisaki tabernakle.+ 36  Mpe ntango lipata ezalaki kotombwana, elongwe na tabernakle, bana ya Yisraele bazalaki kolongola kaa, na boumeli ya mibembo nyonso na bango.+ 37  Nzokande, soki lipata etombwani te, bazalaki kolongola kaa te tii na mokolo oyo yango ezalaki kotombwana.+ 38  Mpo lipata ya Yehova ezalaki likoló ya tabernakle na moi, mpe mɔtɔ ezalaki kotikala likoló na yango na butu, na miso ya ndako mobimba ya Yisraele, na boumeli ya mobembo nyonso oyo basalaki ndambondambo.+

Maloba na nse