Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kobima 25:1-40

25  Mpe Yehova alobaki na Moize+ ete:  “Lobá na bana ya Yisraele ete bázwela ngai likabo: Epai ya moto nyonso oyo motema na ye etindi ye, bokozwela ngai likabo.+  Mpe talá likabo oyo bokozwa epai na bango: wolo,+ palata+ ná motako,+  nsinga ya bulé ná lɛnɛ oyo epakolami langi ya mwa motane-bulé, mpe biloko oyo epakolami langi ya motane makasi, lini ya kitoko, nsuki ya ntaba,+  mposo ya mpate-mobali oyo epakolami langi ya motane, mposo ya nyama ebengami fɔkɛ ná nzete ya akasia;+  mafuta mpo na engɛngiseli,+ mafuta ya balsame+ mpo na kosala mafuta mosantu+ mpe mpo na mpaka ya malasi ya nsolo kitoko;+  mabanga ya onikisi ná mabanga ya kotya na efode+ mpe na libenga ya ntolo.+  Mpe basengeli kosalela ngai esika mosantu, mpo nasengeli kofanda na hema na katikati na bango.+  Bokosala tabernakle engebene nyonso oyo nazali kolakisa yo na kolandáká modɛlɛ na yango mpe modɛlɛ ya biloko na yango nyonso.+ 10  “Mpe basengeli kosala Sanduku na nzete ya akasia,+ bolai na yango mapeko mibale na ndambo mpe bonene na yango lipeko moko na ndambo mpe bosanda na yango lipeko moko na ndambo. 11  Mpe osengeli kozipa yango na wolo ya pɛto.+ Okozipa yango na kati mpe na libándá, mpe osengeli kosala ndelo ya wolo zingazinga na yango, na likoló.+ 12  Mpe osengeli konyangwisa wolo mpo na kosalela Sanduku yango mpɛtɛ minei mpe kotya yango na likoló ya makolo na yango minei, mpɛtɛ mibale na ngámbo na yango moko mpe mpɛtɛ mibale na ngámbo na yango mosusu.+ 13  Mpe osengeli kosala banzete ya komema Sanduku na nzete ya akasia mpe kozipa yango na wolo.+ 14  Mpe osengeli kokɔtisa banzete yango na mpɛtɛ oyo ezali na mipanzi ya Sanduku mpo na kokumbaka na yango Sanduku. 15  Banzete yango ya komema ekotikala na kati ya mpɛtɛ ya Sanduku. Ekolongolama na yango te.+ 16  Mpe osengeli kotya litatoli oyo nakopesa yo na kati ya Sanduku.+ 17  “Mpe osengeli kosala ezipeli na wolo ya pɛto, bolai na yango mapeko mibale na ndambo mpe bonene na yango lipeko moko na ndambo.+ 18  Mpe osengeli kosala bakeruba mibale ya wolo. Okosala yango eloko oyo ebɛtami na marto na nsuka mibale ya ezipeli.+ 19  Mpe salá keruba moko na nsuka oyo mpe keruba moko na nsuka oyo.+ Bokosala bakeruba likoló ya ezipeli na nsuka na yango mibale. 20  Mpe bakeruba yango esengeli kosembola mapapu mibale na yango epai ya likoló, mpo na kozipa ezipeli na mapapu na yango, wana bilongi na yango ezali kotalana.+ Bilongi ya bakeruba esengeli kotala ezipeli. 21  Mpe osengeli kotya ezipeli+ likoló ya Sanduku na likoló, mpe na kati ya Sanduku okotya litatoli oyo nakopesa yo. 22  Mpe nakomilakisa liboso na yo kuna mpe nakosolola na yo uta na likoló ya ezipeli,+ uta na kati ya bakeruba mibale oyo bazali likoló ya sanduku ya litatoli, ɛɛ mpo na koyebisa nyonso oyo nakopesa yo etinda mpo na bana ya Yisraele.+ 23  “Mpe osengeli kosala mesa+ na nzete ya akasia, bolai na yango mapeko mibale mpe bonene na yango lipeko moko mpe bosanda na yango lipeko moko na ndambo. 24  Mpe osengeli kozipa yango na wolo ya pɛto, mpe osengeli kosalela yango ndelo ya wolo zingazinga.+ 25  Mpe osengeli kosalela yango etando oyo ebimi, oyo ezali na bonene ya tandu zingazinga na yango, mpe osengeli kosala ndelo ya wolo mpo na etando na yango oyo ebimi zingazinga.+ 26  Mpe osengeli kosalela yango mpɛtɛ minei ya wolo mpe kotya mpɛtɛ yango na nsuka minei esika makolo minei ezali.+ 27  Mpe mpɛtɛ yango esengeli kozala pene na etando oyo ebimi mpo ezala bisimbeli ya banzete ya komema na yango mesa.+ 28  Mpe osengeli kosala banzete ya komema na nzete ya akasia mpe kozipa yango na wolo, mpe basengeli kokumba na yango mesa.+ 29  Mpe osengeli kosala basaani na yango mpe bakɔpɔ na yango mpe bilokó na yango mpe mabakuli na yango oyo bakosalela mpo na kosopa makabo ya masanga. Okosala yango na wolo ya pɛto.+ 30  Mpe osengeli kotya mampa ya kolakisa likoló ya mesa yango liboso na ngai ntango nyonso.+ 31  “Mpe osengeli kosala etɛlɛmiselo ya miinda na wolo ya pɛto. Etɛlɛmiselo ya miinda yango ekozala eloko oyo ebɛtami na marto.+ Eteni na yango ya nse, bitape na yango, bakɔpɔ na yango, mbuma na yango mpe bafololo na yango ekouta na yango. 32  Mpe bitape motoba ekouta na mipanzi na yango: bitape misato ya etɛlɛmiselo ya miinda na mopanzi na yango moko mpe bitape misato ya etɛlɛmiselo ya miinda na mopanzi na yango mosusu.+ 33  Kɔpɔ misato oyo esalemi lokola bafololo ya nzete ya amande ezali na mokomoko ya bitape ya mopanzi oyo, ná mbuma mpe bafololo oyo elandani, awa mbuma awa fololo, mpe bakɔpɔ misato oyo esalemi lokola bafololo ya nzete ya amande likoló ya mokomoko ya bitape ya mopanzi oyo mosusu, ná mbuma mpe bafololo oyo elandani, awa mbuma awa fololo.+ Ndenge wana nde bitape motoba ezali kouta na etɛlɛmiselo ya miinda yango. 34  Mpe likoló ya etɛlɛmiselo ya miinda ezali na bakɔpɔ minei oyo esalemi lokola bafololo ya nzete ya amande, ná mbuma na yango mpe bafololo na yango oyo elandani, awa mbuma awa fololo.+ 35  Mpe mbuma na nse ya bitape mibale ezali kouta na yango mpe mbuma na nse ya bitape mibale mosusu ezali kouta na yango mpe mbuma na nse ya bitape mosusu mibale lisusu ezali kouta na yango, mpo na bitape motoba oyo ezali kouta na etɛlɛmiselo ya miinda.+ 36  Bambuma na yango mpe bitape na yango ezali kouta na yango. Yango mobimba ezali eloko kaka moko, eloko oyo ebɛtami na marto, na wolo ya pɛto.+ 37  Mpe osengeli kosalela yango miinda nsambo; mpe miinda yango esengeli kopelisama, mpe esengeli kongɛngisa esika oyo ezali liboso na yango.+ 38  Mpe bapɛnsi na yango ya mike mpe biloko na yango ya kotya mɔtɔ ezali ya wolo ya pɛto.+ 39  Akosala yango na talanta moko ya wolo ya pɛto ná bisaleli na yango nyonso. 40  Mpe kebá ete osala yango na kolanda modɛlɛ oyo bamonisaki yo na ngomba.+

Maloba na nse